BAKI, AzerVoice
İsrail ordusu Qəzza şəhərində yerləşən kafeyə hava zərbəsi endirib.
AzerVoice xəbər verir ki, bu haqqda məlumatı Qətərin "Al Jazeera" telekanalı yayıb.
Məlumata görə, hücum nəticəsində azı 15 nəfər həlak olub.
Ölənlər arasında Qəzza zolağında gündəlik həyatla bağlı reportajları ilə tanınan yerli jurnalist İsmail Əbu Xatab da olub.
Xatırladaq ki, 18 mart tarixində İsrail ordusu yanvarda elan edilmiş atəşkəs rejimini pozaraq Qəzza zolağına genişmiqyaslı hava hücumları ilə hərbi əməliyyatları bərpa etmişdi. İsrail Baş naziri Benyamin Netanyahunun ofisi, HƏMAS-ın ABŞ prezidentin xüsusi nümayəndəsi Stiven Uitkoff və vasitəçilər tərəfindən irəli sürülmüş təklifləri rədd etməsini səbəb göstərərək, əməliyyatın məqsədinin bütün girovların azad edilməsi olduğunu bildirmişdi. HƏMAS isə məsuliyyəti İsrail və ABŞ-ın üzərinə qoymuşdu.