BAKI, AzerVoice

İsrailin cümə axşamından bəri Qəzza zolağına həyata keçirdiyi hücumlarda ölənlərin sayı 72 nəfərə yüksəlib.

AzerVoice xəbər verir ki, bu barədə Qəzza zolağındakı Mülki Müdafiə İdarəsinin sözçüsü Mahmud Bəsəl məlumat verib.

Məlumata görə, son olaraq Qəzza şəhərinin şərqində yerləşən Zeytun məhəlləsində bir qrup mülki şəxsə endirilən zərbə nəticəsində daha üç nəfər həlak olub. Onlardan 21 nəfər yardım paylama nöqtələrində növbə gözləyən insanlar olub.

Digər tərəfdən, İsrail ordusu Netsarim bölgəsində əsgərlərə yaxınlaşan şəxslərə xəbərdarlıq atəşi açdıqlarını bildirib. Həmin ərazidə mülki müdafiə qüvvələri 15 nəfərin yardım növbəsində gözlədiyi zaman öldürüldüyünü qeyd etsə də, İsrail ordusu öz qüvvələri arasında itki olmadığını bildirib.

Qeyd edək ki, Qəzzada hər gün İsrail əsgərlərinin açdığı atəş nəticəsində yardım bölgələrində çoxsaylı fələstinli həlak olur. Bu yardım nöqtələri isə maliyyə mənbələri və İsraillə mümkün əlaqələri barədə mübahisəli olan Qəzza Humanitar Təşkilatı tərəfindən idarə olunur. BMT və digər beynəlxalq humanitar qurumlar bu təşkilatla əməkdaşlıqdan imtina edirlər.