BAKI, AzerVoice
İsrail ordusunun Baş Qərargah rəisi general-leytenant Eyal Zamir Qəzza Zolağındakı hərbi əməliyyatların davam etdirilməsi ilə bağlı vəziyyətin qiymətləndirilməsi və əməliyyat planlarının təsdiqi ilə bağlı müşavirə keçirib.
AzerVoice xəbər verir ki, bu barədə ordunun mətbuat xidməti məlumat yayıb.
Məlumata görə, Zamir vəzifə bölgəsi olaraq Cənub Komandanlığının Qəzza Zolağında əməliyyatın davam etdirilməsi ilə bağlı əməliyyat planlarını təsdiq edib.
Xatırladaq ki, iyunun 1-də Baş Qərargah rəisi, həm Cənub, həm də Şimal bölgələrində döyüş əməliyyatlarının genişləndirilməsi ilə bağlı göstəriş verib.
Həmçinin qeyd edək ki, mayın 18-də İsrail ordusu Qəzza Zolağının şimal və cənub bölgələrində genişmiqyaslı quru əməliyyatının başladığını elan edib. Əməliyyatın məqsədi HƏMAS-ın tamamilə məğlub edilməsi və Qəzzadakı bütün İsrail girovlarının azad edilməsi olaraq açıqlanıb. İsrailin baş naziri Benyamin Netanyahu əməliyyatın nəticələrinə görə, ordunun Qəzza Zolağının bütün ərazilərini nəzarətə götürməyi planlaşdırdığını bildirmişdi.
