BAKI, AzerVoice
ABŞ Prezidenti Donald Tramp, İsrailin Baş naziri Benyamin Netanyahu ilə telefon danışığı zamanı İsrailin İrana qarşı hərbi əməliyyatlarını davam etdirməsini dəstəklədiyini bildirib.
AzerVoice xəbər verir ki, Tramp bu barədə Ağ Evdə jurnalistlərə açıqlama verib.
"Ona dedim ki, 'davam edin'" – deyə, Tramp Netanyahu ilə telefon danışığını şərh edərkən qeyd edib.
Bununla yanaşı, Tramp, ABŞ-ın bu hərbi əməliyyatda daha aktiv iştirak edə biləcəyinə dair Netanyahunun qarşısına hər hansı bir konkret göstəriş qoymadığını da bildirib.
Xatırladaq ki, İsrail Hərbi Hava Qüvvələri iyunun 13-də İran ərazisinə hava zərbələri endiriblər. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasının hadisə ilə əlaqədar fövqəladə iclas keçirməsini istəyib.
