BAKI,AzerVoice
Suriyada fəaliyyət göstərən və Tehranın dəstəklədiyi bir sıra fələstinli fraksiya liderləri Dəməşqi tərk ediblər. Bu qərar Suriya hakimiyyətinin onların fəaliyyətinə məhdudiyyətlər tətbiq etməsi və silahlarını təhvil almağa məcbur etməsi fonunda baş verib.AzerVoice xəbər verir ki, Vaşinqton, iqtisadi sanksiyaların qaldırılması qarşılığında, Dəməşqdən Tehranla əməkdaşlıq edən bu fraksiyaların ölkədən çıxarılmasını tələb etmişdi.
Adının açıqlanmasını istəməyən və hazırda Dəməşqdə olmayan bir fələstinli lider təsdiqləyib ki, “İranın dəstəyi ilə fəaliyyət göstərən əksər fələstinli fraksiya rəhbərləri Dəməşqi tərk ediblər.” Onların bir qismi Livana və digər ölkələrə keçib.
Bu arada, ABŞ prezidenti Donald Trampın administrasiyası Səudiyyə vəliəhd şahzadəsi və Baş nazir Məhəmməd bin Salman və Suriyanın keçid dövrü prezidenti Əhməd Şərə qarşısında verdiyi vədə əsasən, Suriyaya qarşı tətbiq olunan sanksiyaların ləğvi istiqamətində "sürətli tədbirlərə" başladığını elan edib.