BAKI,AzerVoice
Ölü dəniz haqqında məlumatlar yalnız coğrafi bilik deyil, həm də planetimizin qeyri-adi xüsusiyyətlərini kəşf etmək üçün nadir fürsətdir. Dünyanın ən sirli su hövzələrindən biri hesab olunan Ölü dəniz haqqında ən maraqlı faktları təqdim edirik.
1. Ölü dəniz Yaxın Şərddə -İsrail, Fələstin və İordaniya arasında yerləşən endoreik duzlu göldür.
2. Dünyanın ən duzlu su hövzələrindən biridir. Bu səbəbdən insanlar suda batmayaraq, asanlıqla üzərində qala bilirlər.
3. Lakin yüksək duzluluq səbəbindən suda üzmək və hərəkət etmək çox çətindir və təhlükəli vəziyyət yarada bilər. İsraildə üzmək üçün ən təhlükəli yerlərdən biri hesab olunur.
4. İbrani dilində “Yam Ha-Melax” adlanır və “duz dənizi” mənasına gəlir.
5. Elm adamları burada son dərəcə duzlu mühitə uyğunlaşa bilən təxminən 70 növ mikroorqanizm və göbələk aşkar ediblər.
6. Unikal iqlimə görə bölgənin havası oksigen və bromla zəngindir. Bu isə orqanizmə rahatlaşdırıcı və müalicəvi təsir göstərir.
7. Faktiki olaraq bu dəniz deyil -İordan çayının töküldüyü qapalı göldür və su heç bir başqa çaya və ya okeana axmır.
8. Burada kalium karbonatın hasilatı aparılır və hər il təxminən 1 milyard dollarlıq iqtisadi gəlir əldə olunur.
9. Dünyada günəş yanığından qorxmadan uzun müddət günəş vannası qəbul edə biləcəyiniz yeganə regionlardan biridir.
10. Dərinliyi təqribən 306 metrdir.
11. Ölü dəniz sahili Yer kürəsinin ən aşağı quru nöqtəsidir – dəniz səviyyəsindən təxminən 430 metr aşağıda yerləşir.
12. Hər il suyun səviyyəsi təxminən 1 metr aşağı düşür.
13. Düz 1977-ci ildə suyun kəskin azalması nəticəsində Ölü dəniz iki hissəyə – şimal və cənub bölüblərinə ayrılıb.
14. İsrail və İordaniya hökumətləri dənizin yox olmasının qarşısını almaq üçün layihələr həyata keçirir. Qırmızı və Aralıq dənizlərindən suyun buraya yönəldilməsi planlaşdırılır.
15. XXl əsrdə dəniz, xüsusilə yaşayış məntəqələrindən axan çirkab sular səbəbindən çirklənməyə başlayıb.
16. Dənizin minerallara və müalicəvi palçıqlara zəngin olması səbəbindən bölgədə tibbi və sağlamlıq turizmi çox inkişaf edib.