Bakı,
AzerVoice
HƏMAS Qəzzada İsrail ilə əldə edilən atəşkəs və məhbus mübadiləsi
razılaşmasına sadiq qaldığını, ancaq təşkilat Təl-Əviv
rəhbərliyinin öz öhdəliklərini yerinə yetirmədiyini və yaranan
gecikmələrə görə tam məsuliyyət daşıdığını bəyan edib.
AzerVoice xəbər verir ki, HƏMAS eyni
zamanda ABŞ-ın keçmiş prezidenti Donald Trampın “Qəzzanın yenidən
qurulması bəhanəsi ilə fələstinlilərin oradan çıxarılması” ilə
bağlı açıqlamalarına sərt reaksiya verib.
Təşkilat Trampın bəyanatlarını "Fələstin xalqının daimi hüquqlarını
inkar etməyə yönəlmiş irqçi və etnik təmizləmə çağırışı" kimi
qiymətləndirib.
Bəyanatda vurğulanıb ki, Fələstin xalqının Qəzzadan köçürülməsi planı baş tutmayacaq və bu cür cəhdlər Fələstin, Ərəb və İslam dünyasının birlikdə göstərdiyi müqavimətlə iflasa uğrayacaq.
Qeyd edək ki, HƏMAS-ın hərbi qanadı İzzəddin Əl-Qəssam Briqadalarının sözçüsü Əbu Ubeydə fevralın 10-da verdiyi açıqlamada fevralın 15-də baş tutmalı olan məhbus mübadiləsinin İsrailin atəşkəs razılaşmasındakı öhdəliklərini yerinə yetirməməsi səbəbindən dayandırıldığını bildirib. HƏMAS əlavə edib ki, bu qərar mübadilədən 5 gün əvvəl elan edilib və vasitəçi ölkələrə İsrailə təzyiq göstərmək üçün imkan yaradılıb.
İsrailin baş naziri Benyamin Netanyahu isə açıqlamasında HƏMAS-a ultimatum verərək, "HƏMAS şənbə günü günortaya qədər məhbuslarımızı azad etməsə, atəşkəs sona çatacaq və İsrail şiddətli hücumlarını bərpa edəcək. Bu, HƏMAS məğlub olana qədər davam edəcək”, – deyə bildirib.
