BAKI,AzerVoice, islam Ensiklopediyası

Fil döyüşü, Cahiliyyət dövründə Kəbəni dağıtmaq və Xristianlığı yaymaq məqsədilə Məkkəyə hücum edən Həbəşistan ordusunun məğlub olması hadisəsidir. Bu hadisənin tarixi, səbəbləri və nəticələri barədə mənbələrdə müxtəlif rəvayətlər mövcuddur. Həbəş ordusunun qeyri-adi şəkildə məğlubiyyəti Qurani-Kərimin “Fil” adlı – 105-ci surəsində təsvir olunur.

Surədə belə buyurulur:

Rəbbinin fil sahiblərinə nə etdiyini görmədinmi?! (Bu ayədə Kəbəni yıxmaq məqsədilə Məkkəyə hücum edən Əbrəhə və onun fillərdən ibarət olan ordusunun məhv edilməsindən bəhs edilir.)
Allah onların hiyləsini boşa çıxartmadımı?!
Onların üstünə qatar-qatar quşlar göndərdi.
Quşlar onlara bişmiş gildən ibarət sərt daşlar atırdı.
Beləcə, Allah onları yeyilmiş əkin yarpağı kimi etdi.

Burada söhbət, Kəbəni yıxmaq üçün Məkkəyə yürüş edən Əbrəhə və fillərdən ibarət ordusunun möcüzəvi şəkildə məhv edilməsindən gedir.

Fil döyüşünün əhəmiyyəti o qədər böyük idi ki, VI əsrdə müəyyən müddət ərəb tayfaları bu hadisəni tarix başlanğıcı kimi qəbul edirdilər.