BAKI, AzerVoice, Azər Hüseynov Tarixçi, İstanbul Zaim Universitetinin Tarix və Mədəniyyət Bölümü Doktorantı, Qafqaz Etno-Sosial Araşdırmalar Mərkəzinin eksperti, xüsusi olaraq AzerVoice üçün
Səudiyyə ABŞ-dan yenə külli miqdarda silah almaq haqqında müqavilə imzaladı.Əhməd Şaranın Trampla görüşəcəyi bildirilir. Bəlkə də bu yazı yazılanda artıq görüşdülər. Tramp Suriyaya olan sanksiyaları ləğv etdi.
Trampla Natanyahunun arasının dəydiyi deyilir. Ki, mən bu informasiya sızmasına skeptik baxıram. Trampın yeni sülh konfiqurasiyasında əsas məqsədlər getdikcə nüfuzu artan Çinə ( onun da araxasında Britaniyaya) müttəfiqlərinin meylinin qarşısını almaq, ikincisi isə İsrail ətrafında yeni təhlükəsizlik konfiqurasiyası qurmaqdır. Bunun üçün güzəştlər müqabilində zəmanətlər alınacaqdır, əlbəttə.
Davamında bəlkə də Türkiyənin də birbaşa iştirakı ilə ( Bunu dəfərlərlə yazmışam) Qəzzada HƏMAS hakimiyyəti ya şəkil dəyişəcəkdir, ya da başqa bir formada sonlandırılacaqdır. Bunu emosional qəbul etməyin. Hamını razı salmaq üçün konsorsium qurulacaqdır.
Burada ərəb ölkələri, Türkiyə ( birbaşa olmasa da), ABŞ, Fəth höküməti ( İsrail də dolayısı ilə) iştirak edəcəkdir. HƏMAS daxilində bunun üçün siyasi qolla hərbi qol arasında bir ziddiyyət olması ehtimalını düşünürəm. Siyasi qol zatən belə bir bəyanat verdi ki, müstəqil idarəyə razıdırlar. Bir sözlə yeni konfiqurasiya qurulur. Və bu konfiqurasiyanı ABŞ qurur. Digərləri sadəcə iştirakçıdır, artıq deyildir.
