BAKI, AzerVoice
İsrail Hərbi Hava Qüvvələri Yəməndə Səlif, Əl-Hudeydə və Ras İsa limanlarına güclü hava zərbələri endirib.
AzerVoice xəbər verir ki, bu barədə İsrail mediası məlumat yayıb.
Məlumata görə, bu limanlara 10-dan çox hava zərbəsi endirilib.
Qeyd edək ki, İsrail ordusu mayın 5-də də Yəmənin əl-Hudeyda limanına hava zərbələri endirmişdi. Bu hücum, "Ənsar Allah" (husilər) hərəkatının Təl-Əvivdəki Ben Qurion hava limanı yaxınlığına endirdiyi raket zərbəsindən bir gün sonra baş vermişdi.