BAKI, AzerVoice
İsrail Hərbi hava Qüvvələri Yəməndə “Ənsar Allah” (Husilər) hərəkatının nəzarətində olan Əl-Hudeyda vilayətində yerləşən üç əsas limana — Hudeyda, Ras İsa və Əs-Salifə hava zərbələri endirib.
AzerVoice xəbər verir ki, bu barədə "Al Arabiya" telekanalı məlumat verib.
Məlumata əsasən, zərbələrdən öncə İsrail ordusu bu limanlarda olan mülki şəxslərin təcili təxliyə olunmasını tələb etmişdi. Ordunun rəsmi nümayəndəsi bildirib ki, husilər bu limanlardan “terrorçu fəaliyyətlər üçün” istifadə edir.
Bundan əvvəl, İsrailin Yəməndəki bir zavoda endirdiyi zərbələr nəticəsində iki nəfərin həlak olduğunu bildirmişdi.