8
BAKI, AzerVoice
ABŞ Hərbi Hava Qüvvələrinə məxsus döyüş təyyarələri Yəmənin şimalında yerləşən Cövf əyalətinə hava zərbələri endirib.
AzerVoice xəbər verir ki, bu barədə Yəməndəki "Ənsar Allah" (husilər) hərəkatının nəzarətində olan "Al-Masirah" telekanalı məlumat yayıb.
Məlumata əsasən, ABŞ qüvvələri Cövf əyalətinin Hab əş-Şaaf bölgəsinə iki hava zərbəsi endirib. Can itkisi və ya maddi ziyan barədə məlumat verilməyib.
Bu hücumla bağlı ABŞ tərəfindən hələlik rəsmi açıqlama gəlməyib.
Qeyd edək ki, ABŞ-ın Yəmənə qarşı hava hücumları martın 15-də ABŞ Prezidenti Donald Trampın əmri ilə başlayıb. Cümə günü ABŞ hərbi hava qüvvələri Hudeyda şəhərindəki Ras İsa Neft Limanına 7, şənbə günü isə Marib və Hudeydə bölgələrinə 9 hava zərbəsi endirmişdi.
