BAKI,AzerVoice

Türkiyənin milli kosmik şirkəti “Fərqani Space Technologies” ölkənin ilk Orbitaya Transfer Aparatını (YTA), FGN-TUG-S01 ABŞ-ın Kaliforniya ştatındakı Vandenberg Kosmik Qüvvələr Bazasından uğurla orbitə göndərib.

Bu barədə AzerVoice-a Baykar şirkətinin ictimaiyyətlə əlaqələr şöbəsindən bildirilib.

Qeyd edilib ki, beləliklə, Türkiyə yalnız öz imkanları ilə hazırlanmış ilk YTA-sını kosmosa çıxararaq mühüm tarixi addım atıb.

“Azərbaycan vaxtı ilə 22:44-də həyata keçirilən fırlatma SpaceX-in Falcon 9 Transporter-15 raketi ilə icra olunub. Raketin mərhələləri problemsiz ayrıldıqdan sonra, təxminən 81 dəqiqə sonra raketdən ayrılaraq kosmik uçuşuna başlayıb. Aparat ilk telemetriya məlumatlarını ötürərək missiyaya rəsmi start verib. Bu uğurlu ayrılma Fərqani Space-in kosmosdaxili daşınma və manevr imkanlarının inkişafında mühüm mərhələ hesab olunur”.

Qurumdan bildirilib ki, Aparat həm də orbitdə işə salınacaq dünyanın ilk hibrid raket mühərriki ilə təchiz olunub.

“Planlaşdırılan orbital manevr zamanı hibrid mühərrikin işə düşməsi bütün dünyada kosmos texnologiyaları üçün yeni mərhələ kimi qiymətləndirilir. Hibrid sistem peyklərin müxtəlif orbitlərə daha təhlükəsiz və daha sərfəli daşınmasına imkan verəcək”, - deyə Bykar şirkətindən bildirilib.