BAKI, AzerVoice, Nailə Babazadə
Türkiyənin Bolu vilayətində yerləşən Kartalkaya Qış İstirahət Mərkəzində baş vermiş və 78 nəfərin həyatını itirdiyi, 137 nəfərin isə yaralandığı faciəvi yanğınla bağlı məhkəmə qərarı elan olunub.
AzerVoice xəbər verir ki, Məlumata görə, Grand Kartal Otelində baş verən yanğınla bağlı davam edən məhkəmə prosesində otelin sahibi Halit Ergül də daxil olmaqla 11 nəfər təqsirli bilinib. Məhkəmə onların hər birinə ağırlaşdırılmış ömürlük həbs cəzası verib.
İttiham tərəfi bildirib ki, hadisə zamanı oteldə təhlükəsizlik qaydalarına riayət edilməyib, yanğın siqnalizasiya və təxliyə sistemləri lazımi səviyyədə işləməyib. Bu isə çoxsaylı insan tələfatına səbəb olub.
Hadisə Türkiyədə son illərin ən böyük yanğın faciələrindən biri kimi qiymətləndirilir.