BAKI, AzerVoice, Nailə Babazadə
Hazırda İsraildə saxlanılan 14 vətəndaşımızın sabah (7 oktyabr) İordaniya üzərindən ölkəmizə gələ bilmələri üçün işlərimiz davam edir.
AzerVoice xəbər verir ki, Türkiyə Xarici İşlər Nazirliyinin sözçüsü Öncü Keçeli, İsrail tərəfindən saxlanılan türk fəallarla bağlı açıqlama verib.
"4 oktyabr tarixində həyata keçirilən xüsusi təyyarə reysi ilə İsrail qüvvələri tərəfindən ələ keçirilən Qlobal Sumud Donanması gəmilərində olan vətəndaşlarımızdan 36-sı sağ-salamat ölkəmizə qayıtmışdı. Hazırda İsraildə saxlanılan 14 vətəndaşımızın sabah (7 oktyabr) İordaniya üzərindən ölkəmizə gələ bilmələri üçün işlərimiz davam edir. Proseslə bağlı detalların bu gün ərzində dəqiqləşəcəyi gözlənilir." - deyə Keçəli qeyd edib.
Qeyd edək ki, İsrailin blokadasını yarmaq və Qəzzaya humanitar yardım çatdırmaq məqsədilə yola çıxan Əzm Flotiliyası, 1 oktyabr axşamı Qəzza sularına yaxınlaşıb.
Flotilyaya hücum edən İsrail ordusu, onlarla qayığı və gəmini qanunsuz şəkildə ələ keçirərək yüzlərlə sərnişini saxlayıb.
Əzm Flotiliyası bu günə qədər Qəzzaya humanitar yardım aparmaq üçün birlikdə yola çıxan ən böyük donanma olaraq tarixə düşüb.