BAKI, AzerVoice, Nailə Babazadə

Türkiyədə iyul ayına dair işçi qüvvəsi statistikaları açıqlanıb.

AzerVoice xəbər verir ki, Türkiyə Statistika Təşkilatının (TÜİK) məlumatına görə, işsizlik səviyyəsi iyul ayında 0,4 bənd azalaraq 8 faiz olub. Bu göstərici son 5 ayın ən aşağı səviyyəsidir və işsizliyin tək rəqəmli səviyyədə qalması ardıcıl 27-ci ayda da davam edib.

İyul ayında 15 və daha yuxarı yaşda olan işsizlərin sayı 164 min nəfər azalaraq 2 milyon 828 minə düşüb. İşsizlik göstəricisi kişilər arasında 6,5 faiz, qadınlar arasında isə 10,9 faiz səviyyəsində qeydə alınıb.

Eyni dövrdə məşğulluq nisbəti dəyişməyərək 49,1 faiz olaraq qalıb. Mevsim təsirindən arındırılmış məlumatlara görə, məşğul olanların sayı əvvəlki aya nisbətən 18 min nəfər artaraq 32 milyon 582 minə çatıb. Bu göstərici kişilər üçün 66,1 faiz, qadınlar üçün isə 32,4 faiz təşkil edib.

İşgücünə qatılma nisbəti 0,3 bənd azalaraq 53,3 faiz olub. Mevsim təsirindən arındırılmış işçi qüvvəsi sayı iyul ayında 146 min nəfər azalaraq 35 milyon 410 min nəfər təşkil edib. İşçi qüvvəsinə qatılma göstəricisi kişilər arasında 70,6 faiz, qadınlar arasında isə 36,4 faiz olub.

Referans dövründə işləyənlərin həftəlik orta faktiki iş saatı da əvvəlki ayla müqayisədə 1,2 saat artaraq 42,6 saata çatıb.

Zamana bağlı natamam məşğulluq, potensial iş qüvvəsi və işsizlərdən ibarət olan ümumi istifadə olunmamış iş qüvvəsi (atıl iş gücü) nisbəti iyul ayında 3,1 bənd azalaraq 29,6 faiz təşkil edib. Zamana bağlı natamam məşğulluq və işsizlərin birgə göstəricisi 19,1 faiz, işsizlər və potensial iş qüvvəsinin birgə göstəricisi isə 19,9 faiz olaraq qiymətləndirilib.