BAKI, AzerVoice, Nərmin Ağayeva
Türkiyədə Muğla və Bingöldə baş verən meşə yanğınlarına havadan və qurudan müdaxilə edilir.
AzerVoice xəbər verir ki, Muğlanın Seydikemer mahalının Kabaağaç məhəlləsində, yaşayış massivlərinin yaxınlığında başlayan yanğın küləyin təsiri ilə sürətlə yayılıb. Hadisə yerinə Muğla Meşə Region Müdirliyinə aid təyyarələr və çoxsaylı yanğınsöndürmə qrupları cəlb olunub.
Bingölün Gənc rayonunun Bahçebaşı kəndində isə səbəbi hələ müəyyən olunmamış yanğın otlaq sahəsində başlayaraq qısa müddətdə palıd ağacları və üzüm bağlarının olduğu meşəlik əraziyə keçib. Əraziyə Meşə Əməliyyat Müdirliyi, Gənc Bələdiyyəsi və jandarma qüvvələri sövq olunub. Hazırda hər iki bölgədə yanğını nəzarət altına almaq üçün işlər davam etdirilir.
Qeyd edək ki, son həftələrdə Türkiyənin müxtəlif bölgələrində artan hava temperaturu və güclü küləklər meşə yanğınlarının sürətlə yayılmasına səbəb olur.
