BAKI, AzerVoice, Nailə Babazadə

Türkiyənin Birləşmiş Millətlər Təşkilatındakı (BMT) daimi nümayəndə müavini Aslı Güvən bildirib ki, beynəlxalq ictimaiyyət “Qəzzadakı atəşkəsin qorunması” məsələsini ən vacib prioriteti kimi görməlidir.

AzerVoice xəbər verir ki, Güvən, BMT Təhlükəsizlik Şurasının “Fələstin məsələsi də daxil olmaqla Yaxın Şərqdəki vəziyyət” mövzusunda keçirilən iclasında çıxış edib.

Türkiyənin Qəzzada atəşkəsin əldə olunmasını məmnunluqla qarşıladığını bildirən Güvən, atəşkəs razılaşmasının “tam və dərhal həyata keçirilməsinə” çağırıb.

“Beynəlxalq ictimaiyyət olaraq ən mühüm prioritetimiz, uzun müddətdir gözlənilən və çətinliklə əldə edilən bu atəşkəsi nə bahasına olursa olsun qorumaq olmalıdır.” - deyə o qeyd edib.

İşğal altındakı İordan çayının Qərb sahilində atəşkəsin pozulmasının və fələstinli torpaqlarını mənimsəyən israillilərin zorakılığının qarşısını almağın vacibliyindən danışan Güvən, İsrailin Livan, Suriya və daha geniş bölgəyə qarşı həyata keçirdiyi hücumların və sabitliyi pozan siyasətlərin dayandırılmasının da zəruri olduğunu vurğulayıb.

Aslı Güvən əlavə edib ki, Qəzza ilə bağlı ikinci prioritet bölgəyə humanitar yardımların fasiləsiz şəkildə çatdırılmasını təmin etmək və BMT ilə əlaqədar qurumlarla sıx koordinasiya şəraitində yenidənqurma işlərinə dərhal başlamaq olmalıdır.

Daimi Nümayəndə Müavini bu kontekstdə bildirib ki, Türkiyə 14 oktyabrda təxminən 870 ton ərzaq daşıyan humanitar yardım gəmisini bölgəyə göndərib və hazırda türk komandaları ərazidə dağıntıların təmizlənməsi və bərpa işlərində iştirak edirlər.

“Qarşıdakı dövrdə Qəzzaya əhəmiyyətli miqdarda humanitar yardım göstərməyə davam edəcəyik və beynəlxalq ictimaiyyətlə sıx əməkdaşlıq şəraitində yenidənqurma işlərinə töhfə verməyə hazırıq.” - deyə Güvən əlavə edib.

Bundan əlavə, Aslı Güvən qeyd edib ki, Türkiyə Beynəlxalq Ədalət Məhkəməsinin (UAD) İsrailin işğal altındakı fələstinli torpaqlarla bağlı öhdəliklərinə dair dünən açıqladığı qərarı məmnunluqla qarşılayır və