BAKI, AzerVoice, Nailə Babazadə

Türkiyə Milli Müdafiə Nazirliyinin (MSB) mənbələri bildiriblər ki, "Son günlərdə terror təşkilatı SDQ-nin Münbiç və Hələb kəndlərində Suriya hökumətinə qarşı həyata keçirdiyi hücumlar, Suriyanın siyasi birliyi və ərazi bütövlüyünə zərər vurur."

AzerVoice xəbər verir ki, nazirlik mənbələri həftəlik mətbuat brifinqindən sonra jurnalistlərin suallarını cavablandırıb.

Suriya hökuməti ilə SDQ terror təşkilatı arasında baş verən toqquşmalarla bağlı MSB mənbələri qeyd ediblər ki, SDQ-nin 10 mart tarixində Suriya hökuməti ilə imzaladığı anlaşmaya uyğun davranmadığı sahədə müşahidə olunmaqdadır.

“Suriyanın cənubunda baş verən qarşıdurmalardan güc alan SDQ terror təşkilatının son dövrlərdə səsini daha ucadan çıxardığı diqqət çəkir. Son günlərdə SDQ-nin Münbiç və Hələb kəndlərində Suriya hökumətinə qarşı həyata keçirdiyi hücumlar, Suriyanın siyasi birliyi və ərazi bütövlüyünə zərər verir. Bizim mövqeyimizdə isə heç bir dəyişiklik yoxdur. Türkiyə, Suriyanın siyasi birliyi və ərazi bütövlüyünü dəstəkləməyə davam edəcək; bu çərçivədə Suriya rəhbərliyinin terror təşkilatları ilə mübarizəsini dəstəkləməyə, müdafiə və təhlükəsizlik qabiliyyətini artırmaq üçün tələb olunan təlim, məsləhət və texniki dəstək fəaliyyətlərini davam etdirməkdədir.” - deyə Türkiyə MSB vurğulayıb.