BAKI, AzerVoice, Nailə Babazadə

Türkiyənin Milliyyətçi Hərəkat Partiyasının (MHP) sədri Devlet Bahçeli terrordan azad Türkiyə hədəfinə nail olmaq üçün iradəli olduqlarını vurğulayıb.

AzerVoice xəbər verir ki, O bildirib ki, terror problemini həll etməklə həm Türkiyə, həm də türk xalqı qazanacaq və prosesə mane olmaq istəyənlərə sərt reaksiya göstərəcək.

“Şəhid ailələrimiz narahat olmasın, qazilərimiz qorxuya düşməsin. Heç vaxt başlarını aşağı etməyəcəyik. Bizim heç bir bazarlığımız yoxdur və Türkiyənin suverenliyini zədələyəcək hər hansı yanlış addımda yer almarıq”, – Bahçeli qeyd edib.

O həmçinin prosesə mane olmaq istəyənlərə xəbərdarlıq edib.

“Terrorsuz Türkiyə hədəfini zəhərləmək istəyənlərə xalqımız etibar etməyəcək. Kim ki terrorsuz Türkiyədən narahatdırsa, o, qaranlıq bir oyun içindədir.”- deyə Bahçeli qeyd edib.

MHP lideri Suriya ilə imzalanmış 10 Mart mutabakatına əməl edilməsinin vacibliyini də xatırladıb: “PKK 12 mayda silahları yerə qoyub, təşkilati fəaliyyətinə son verib. Lakin Suriyanın şimal-şərqində təsir sahəsi olan SDQ/YPG hələ də silah buraxmayıb və 27 fevral İmralı çağırışına əməl etməyib. SDQ/YPG 10 mart razılaşmasına mütləq riayət etməlidir.”