BAKI, AzerVoice
“Leman” jurnalının baş redaktoru İstanbul hava limanında saxlanılıb.
AzerVoice xəbər verir ki, İstanbul Respublika Baş Prokurorluğu tərəfindən dini dəyərlərin təhqiri iddiası ilə başladılan istintaq çərçivəsində barəsində həbs qərarı çıxarılan “Leman” jurnalının baş redaktoru Aslan Özdemir İstanbul hava limanında saxlanılıb.
Özdemir, Fransa'nın Marsel şəhərindən Türk Hava Yollarına məxsus təyyarə ilə Türkiyəyə qayıdarkən İstanbul Hava Limanında təhlükəsizlik qüvvələri tərəfindən nəzarətə alınıb. Prokurorluğun göstərişi ilə polis tərəfindən saxlanılan jurnalist, istintaq üçün Respublika Prokurorluğuna təhvil verilib.
Qeyd edək ki, istintaq “Leman” jurnalının 26 iyun 2025-ci il tarixli sayında Məhəmməd və Musa peyğəmbərləri ilə bağlı yayımlanan karikaturalarla əlaqədardır. Həmin karikaturaların “dini dəyərləri təhqir etdiyi” iddia olunur. Bu səbəbdən daha əvvəl jurnalın meneceri Əli Yavuz, qrafik dizayner Cebrail Okçu, karikaturaçı Doğan Pehlevan və redaktor Zafer Akın barəsində də hüquqi tədbirlər görülüb.
İstintaq hələ də davam edir və prokurorluq tərəfindən yeni ifadələrin alınması gözlənilir.