BAKI, AzerVoice
Bir müddətdir müalicə alan Türkiyə Prezidentinin baş müşaviri Yiğit Bulut vəfat edib.
AzerVoice xəbər verir ki, bu barədə Türkiyə Böyük Millət Məclisinin Daxili İşlər Komitəsinin sədri, AK Partiya İstanbul millət vəkili Süleyman Soylu sosial şəbəkədə paylaşım edib.
“Prezidentin baş müşaviri, İqtisadi Siyasət Şurasının üzvü, jurnalist, yazar və iqtisadçı alim, əziz dostum Yiğit Bulut ağır xəstəlikdən sonra bu gün səhər saatlarında dünyasını dəyişdi. Ailəsinə, yaxınlarına və əzizlərinə başsağlığı verirəm. Allah rəhmət eləsin, məkanı cənnət olsun” - deyə o paylaşımda qeyd edib.
Qeyd edək ki, 53 yaşlı Bulut İstanbulun Maslak bölgəsində yerləşən özəl xəstəxanalardan birində uzun müddətdir xərçəng müalicəsi alırdı. O, iqtisadçı, jurnalist və siyasi analitik kimi tanınırdı. Prezident Administrasiyasında müşavir kimi fəaliyyət göstərmiş və vaxtilə bir sıra media qurumlarında rəhbər vəzifələrdə də çalışmışdır.