BAKI, AzerVoice
Türkiyənin xarici işlər naziri Hakan Fidan Çin Xalq Respublikasının xarici işlər naziri Vanq Yi ilə görüş keçirib.
AzerVoice xəbər verir ki, görüşdə əsas diqqət bölgədəki gərginliklərə və ikitərəfli münasibətlərin inkişafına yönəlib.
Danışıqlarda İsrail ilə İran arasında artan gərginliyin azaldılması istiqamətində görülən diplomatik səylər müzakirə olunub. Hər iki tərəf bölgədə sabitliyin qorunması və münaqişənin daha da dərinləşməsinin qarşısının alınmasının vacibliyini vurğulayıb.
Nazir Fidan görüşdə Qəzza zolağındakı vəziyyətə də xüsusi diqqət çəkib. O, bölgədəki “soyqrım və getdikcə ağırlaşan humanitar vəziyyət” barədə həmkarına məlumat verib və beynəlxalq ictimaiyyəti bu məsələdə daha həssas və fəal mövqe tutmağa çağırıb.
Tərəflər, eyni zamanda, Fələstin probleminin yalnız iki dövlətli həll vizyonu çərçivəsində mümkünsüz həll oluna biləcəyini bildiriblər. Bu mövqe həm Türkiyənin, həm də Çinin uzunmüddətli Fələstin siyasətində dəyişməz prinsip kimi qaldığına işarə edir.
Görüş zamanı Türkiyə və Çin arasında siyasi və iqtisadi münasibətlər, o cümlədən ticarət və investisiya imkanları da müzakirə olunub. Hər iki nazir, ikitərəfli əlaqələrin bütün sahələrdə inkişaf etdirilməsi istiqamətində qarşılıqlı iradə ifadə edib.
