BAKI, AzerVoice
Türk Hava Yolları "Avropanın Ən Yaxşı Uçuşda Wi-Fi Xidməti" mükafatını qazanaraq Türkiyə adına bu sahədə ilk beynəlxalq uğura imza atıb.
AzerVoice xəbər verir ki, Türk Hava
Yolları (THY) APEX (Airline Passenger Experience Association)
tərəfindən təşkil edilən 2025-ci il mükafatlarında “Avropanın ən
yaxşı uçuşda Wi-Fi xidməti” kateqoriyasında birinci yerə layiq
görülüb.
Uzun məsafəli uçuşlarda təqdim etdiyi fasiləsiz, sürətli və
etibarlı internet xidməti sərnişin məmnuniyyətini maksimum
səviyyəyə çatdırıb
THY-nin sosial media hesabında bu münasibətlə edilən paylaşımda
,
“Dünyanın ən çox ölkəsinə uçan aviaşirkət kimi APEX 2025
mükafatlarında ‘Avropanın Ən Yaxşı Wi-Fi Xidməti’ mükafatını ilk
dəfə ölkəmizə gətirməkdən qürur duyuruq. Ən yaxşı Wi-Fi təcrübəsi
ilə buludların üstündə əlaqədə qalın.” - deyə bildirilib.
THY-nin rəqəmsal transformasiya strategiyası çərçivəsində həyata
keçirdiyi sərmayələr sayəsində sərnişinlər artıq təyyarə salonunda
yüksək sürətli internet, canlı TV və onlayn əyləncə xidmətlərindən
yararlana bilir.
Qeyd edək ki, bu mükafat APEX-in sərnişin rəyləri və texniki
qiymətləndirmələri əsasında təqdim olunur və dünya aviasiyasında ən
nüfuzlu mükafatlardan sayılır.
