BAKI, AzerVoice

Yeni konstitusiya üzərində işimizə başladıq.

AzerVoice xəbər verir ki, Türkiyə Prezidenti Rəcəb Tayyib Ərdoğan Ədalət və İnkişaf Partiyasının qərargahında keçirilən Genişləndirilmiş İl Başçıları Toplantısında çıxış edərək, yeni konstitusiya ilə bağlı hazırlıq prosesinə başlandığını açıqlayıb.

“Yeni və sivil konstitusiya bizə üstümüzdəki ölü torpağı tamamilə silkələmək imkanı verəcək. Bu milləti çevriliş konstitusiyasının rüsvayçılığından mütləq xilas edəcəyik”, – deyə Prezident Ərdoğan bildirib.

Ərdoğan çıxışında 27 May 1960-cı il hərbi çevrilişini xatırladaraq, həmin tarixin Türk demokratiyası üçün ağrılı bir səhifə olduğunu vurğulayıb. “27 May demokratiya təşəbbüslərinin tamamilə kəsilməsidir. O dövrün xaos atmosferi çevrilişin yolunu açdı.” - deyə o bildirib.

“Dünəndən etibarən 10 hüquqşünas həmkarımı bu işə cəlb etmişəm. Yeni konstitusiyanın hazırlanmasına dair işlərə başladıq.” - deyə Prezident artıq yeni konstitusiyanın hazırlanması istiqamətində ilkin addımlar atıldığını qeyd edib.

O, həmçinin MHP lideri Devlet Bahçelinin “Terrorsuz Türkiyə” təşəbbüsünə verdiyi dəstəyə diqqət çəkərək , “Təşkilatın ləğv və tərksilah qərarı ilə bu istiqamətdə yeni mərhələyə keçmişik. Hər yeni mərhələ həm ümidlərimizi, həm də məsuliyyətimizi artırır.” - deyə bildirib.