BAKI, AzerVoice

Slovakiya Milli Şurasının (parlamentin) vitse-spikeri və hökumət koalisiyasına daxil olan Slovak Milli Partiyasının sədri Andrey Danko ölkəsinin Avropa İttifaqından çıxmasının mümkün olduğunu bildirib.

AzerVoice xəbər verir ki, bu barədə "Tvnoviny" xəbər portalı məlumat yayıb.

“Onlar bizi sadə qullara çevirirlər. Əgər biz ‘xalq həbsxanasında’ yaşamalıyıqsa, burada böcəklərin yeyilməsi normal sayılırsa (həşərat mənşəli qidalar nəzərdə tutulur - red.), və əgər almanlar və fransızlar öz istədiklərini edə biləcəklərsə, alman kansleri isə bizə ‘əgər itaət etməsəniz, sizdən Avropa fondlarından vəsaitləri alacağıq’ deyəcəksə, onda biz Aİ-dən çıxmaq barədə düşünməliyik” - deyə, siyasətçi qeyd edib.

Danko əlavə edib ki, Almaniyanın iqtisadi rifahı Slovakiya kimi ölkələrdən olan ucuz işçi qüvvəsinə əsaslanır.
“Əgər Almaniya kansleri bir daha bizə qarşı təhdidkar şəkildə çıxış edərsə, o zaman bizim Aİ-də qalmağımızla bağlı müzakirələr başlayacaq. Əgər bizi bacarıqsız hesab etməyə və bizə qarşı təkəbbürlə davranmağa davam etsələr, qoy Avropa İttifaqı bizsiz yaşasın” – deyə, o bildirib.