BAKI,
AzerVoice
“Trampın dinləyəcəyi yeganə müsəlman lider sizsiniz.”
AzerVoice xəbər verir ki, ABŞ
prezidenti Donald Tramp Türkiyə Prezidenti Rəcəb Tayyib Ərdoğandan
Rusiya-Ukrayna müharibəsinin başa çatması üçün birgə təşəbbüslərlə
çıxış etməyi xahiş edib.
Ankara isə bölgədə sabitliyin bərpası və müharibənin dayandırılması
istiqamətində yenidən diplomatik səylərini artırmağa hazır olduğunu
bildirib.
Türkiyə xarici işlər naziri Hakan Fidanın sözlərinə görə, bölgə ölkələri Ərdoğanın Trampa təsir gücündən istifadə etməsini istəyir. “Trampın dinləyəcəyi yeganə müsəlman lider sizsiniz”- deyə Ərdoğana müraciət edən liderlər, onun vasitəsilə ABŞ-ın mövqeyinə təsir göstərməyə ümid edirlər.
Trampın Ərdoğanla bu həftə baş tutan telefon danışığında, müharibənin dayandırılması üçün əməkdaşlıq təklifi irəli sürdüyü bildirilir. Ankara isə bölgədə sülh və sabitliyin təmin olunması üçün bütün lazımi dəstəyi verməyə hazır olduğunu ABŞ tərəfinə çatdırıb.
Qeyd edək ki, Türkiyə 2022-ci ildə İstanbulda Rusiya və Ukrayna nümayəndələrini bir araya gətirərək danışıqlar prosesinə ev sahibliyi edib, əsir mübadiləsi və Taxıl Dəhlizi razılaşması kimi mühüm vasitəçilik rollarını həyata keçirib. Hazırda Ankaranın Moskva və Kiyev ilə yeni təmaslara başlayacağı və Putinin elan etdiyi 8-11 may atəşkəsinin davamlılığı üçün təşəbbüslər göstərəcəyi gözlənilir.
