10
BAKI, AzerVoice
Suriyada təxminən 16 milyon insanın təcili humanitar səhiyyə yardımına ehtiyacı var.
AzerVoice xəbər verir ki, bu barədə Ümumdünya Səhiyyə Təşkilatının (ÜST) Baş Direktoru Tedros Adhanom Qebreyesus bildirib.
O, həmçinin BMT-nin Mərkəzi Təcili Yardım Fondu (CERF) tərəfindən ayrılan 3 milyon dollar vəsait sayəsində ÜST-nin 500 mindən çox insana həyati əhəmiyyətli tibbi xidmətləri genişləndirdiyini və əsas tibbi yardım göstərdiyini bildirib.
Qebreyesus həmçinin qeyd edib ki, təşkilat daxili köçkünlərə psixi sağlamlıq xidmətləri də təqdim edir.
“Lakin daha çox şeyə ehtiyac var. Donorları dəstəklərini artırmağa çağırırıq, çünki insanların həyatı bundan asılıdır” – deyə, o əlavə edib.
