BAKI, AzerVoice, Nailə Babazadə
MLS Şərq Konfransının yarımfinal qarşılaşmasında İnter Mayami səfərdə Cincinnati-ni 4:0 hesabı ilə məğlub edərək konfrans finalına vəsiqə qazanıb. Matçın əsas qəhrəmanı isə yenə komandanın ulduzu Lionel Messi olub.
AzerVoice xəbər verir ki, görüşün 19-cu dəqiqəsində hesabı Lionel Messi açaraq oyuna nəzarəti İnter Mayaminin ələ keçirməsinə şərait yaradıb. İkinci hissədə isə argentinalı superulduz parlaq çıxışını davam etdirərək üç qol ötürməsi (asist) ilə komandasının hücum xəttini idarə edib.
Messinin ötürmələrindən sonra Silvetti və Allende (2 qol) fərqlənib və nəticəni 4:0-a çatdırıblar. Bu inamlı qələbə ilə İnter Mayami Şərq Konfransının finalına yüksəlib.