BAKI, AzerVoice, Nailə Babazadə
Barselona klubu prezidenti Joan Laporta, Lionel Messinin klubə icarəyə qayıtacağı yönündəki iddiaları rədd edib. Kataloniya lideri bu ehtimalı “reallığa uyğun deyil” sözləri ilə qiymətləndirib.
AzerVoice xəbər verir ki, Messinin ayrılmasından sonra onun bir gün Barselonaya geri dönə biləcəyi barədə iddia yayılmışdı.
Lakin Catalunya Radio ilə danışan Laporta icarəyə qayıtma ehtimalını istisna edib.
“Messiyə, klub əməkdaşlarına və üzvlərimizə hörmət göstərərək reallığa uyğun olmayan bir ehtimal üzərində spekulyasiya etmək düzgün olmaz. Bu zaman deyil.”-deyə o vurğulayıb.
Messinin bu həftə Kamp Nouya sürpriz ziyarət etməsi qısa müddətli həyəcan yaratmışdı. Laporta qeyd edib ki, Messi ilə bu ziyarətdən sonra danışmayıb və səfəri yalnız “xeyirxah bir jest” idi.