BAKI,AzerVoice, Fərid Mikayılov
Fənərbağça, İngiltərə Premyer Liqasının nəhənglərindən Mançester Siti ilə braziliyalı qapıçı Edersonun transferi üçün razılığa gəlib.
AzerVoice xəbər verir ki, ilk mərhələdə Mançester Sitinin 15 milyon avro tələb etdiyi transferdə, Fənərbağça 12 milyon avro və əlavə bonuslarla təklifi rəsmiləşdirib.
Edersonun yaxın günlərdə İstanbulda tibbi müayinədən keçdikdən sonra rəsmi müqaviləyə imza atacağı gözlənilir.
Bununla yanaşı, Fənərbağça Benfikadan Kərəm Aktürkoğlunu, həmçinin PSJ-dən ispan ulduz Marko Asensionu heyətinə qatıb.
Digər tərəfdən, Mançester Siti Edersonun gedişindən sonra yeni qapıçı transferinə yaxınlaşıb. İngilis klubu, PSJ-nin heyətində düşünülməyən Gianluigi Donnarumma ilə danışıqlarda son mərhələyə çatıb.
