BAKI, AzerVoice, Nailə Babazadə
Türkiyə Respublikasının Mərkəzi Bankının (TCMB) ümumi ehtiyatları 17 oktyabr həftəsində 198 milyard 442 milyon dollara yüksələrək bütün dövrlərin ən yüksək səviyyəsinə çatıb.
AzerVoice xəbər verir ki, Mərkəzi Bankın həftəlik pul və bank statistikalarına əsasən, xarici valyuta ehtiyatları əvvəlki həftə ilə müqayisədə 64 milyon dollar azalaraq 87 milyard 273 milyon dollara enib. 10 oktyabr tarixində bu göstərici 87 milyard 337 milyon dollar idi.
Digər tərəfdən, qızıl ehtiyatları 8 milyard 772 milyon dollar artaraq 102 milyard 397 milyon dollardan 111 milyard 169 milyon dollara yüksəlib.
Beləliklə, Mərkəzi Bankın ümumi ehtiyatları 17 oktyabr həftəsində əvvəlki həftəyə nisbətən təxminən 8 milyard 708 milyon dollar artıb və 198 milyard 442 milyon dollara çataraq tarixi rekord qırıb.