BAKI,AzerVoice, Fərid Mikayılov
UEFA Çempionlar Liqasının II turunda Türkiyənin Qalatasaray klubu doğma publika önündə İngiltərə nəhəngi Liverpulu qəbul edəcək.
AzerVoice xəbər verir ki, görüşü fransalı hakim Klement Turpin idarə edəcək.
Qarşılaşma Rams Park Stadionunda oynanacaq və Bakı vaxtı ilə saat 23:00-da başlayacaq.
Qeyd edək ki, ötən turda Qalatasaray Almaniyaya Frankfurt səfərinə yollanmışdı. Həmin görüşdə Türkiyə təmsilçisi 5-1 hesabı ilə məğlub olmuşdu. Liverpul isə ötən tur Atletiko Madrid ilə qarşılaşıb və 3-2 hesablı qələbə qazanıb.
Həmçinin qeyd edək ki, tərəflər sonuncu dəfə 2006-cı ildə Çempionlar Liqasının qrup mərhələsində qarşılaşıblar. Qalatasaray öz meydanında 3-2 hesablı qələbə qazanıb. Liverpulun Qalatasarayı qonaq etdiyi qarşılaşmada isə İngiltərə təmsilçisi 3-2 hesabı ilə qalib gəlib.