73
BAKI, AzerVoice
"Liverpul", bir müddətdir gündəmində olan "Bayer" Leverkuzenin ulduz futbolçusu Florian Virtz üçün yeni bir təklif təqdim edib.
AzerVoice xəbər verir ki, bu barədə "The Athletic" nəşri məlumat yayıb.
Məlumata görə, "Liverpul"un bonuslarla birlikdə verdiyi yeni təklifin 130 milyon avro olduğu bildirilir.
Virtz özü də "Liverpul"da oynamağa müsbət baxır və transferin baş tutması üçün klubların razılığa gəlməsini gözləyir.
Qeyd edək ki, 22 yaşlı Florian Virtz, "Bayer" Leverkuzen forması ilə ötən mövsümdə 45 oyuna çıxıb, 16 qol vurub və 15 məhsuldar ötürmə edib.
"Bayer" Leverkuzen ilə 2027-ci ilə qədər müqaviləsi olan alman futbolçunun cari bazar dəyəri 140 milyon avro kimi qiymətləndirilir.
