BAKI, AzerVoice
ABŞ prezidenti Donald Tramp və Çin Xalq Respublikasının sədri Si Cinpinin telefon danışığı yaxın bir həftə ərzində baş tuta bilər.
AzerVoice xəbər verir ki, bu barədə Ağ Evin Milli İqtisadi Şurasının rəhbəri Kevin Hasset bildirib.
“Mən telefon danışığının dəqiq tarixi üzrə razılıq əldə olunduğuna əmin deyiləm, amma 10-11 may tarixləri arasında Cenevrədə əldə edilmiş və bizim üçün böyük irəliləyiş sayılan razılaşmanın müzakirəsi üçün onların danışa biləcəyi ehtimalı müzakirə olunurdu. Prezident Tramp bu həftə bu mövzu barədə danışmaq istəyir” – deyə o, ABC News kanalına müsahibəsində bildirib.
Rəsminin fikrincə, hər iki tərəf belə bir söhbətdə maraqlıdır.
Qeyd edək ki, iki gün əvvəl Tramp telefon danışığının baş tutacağına və onunla Si Cinpinin ticarət sahəsindəki fikir ayrılıqlarını aradan qaldıra biləcəyinə əminliyini ifadə edib.