BAKI, AzerVoice
Qalatasarayda uzun illər əsas qapıçı kimi çıxış edən uruqvaylı Fernando Muslera bu mövsüm klubla yollarını ayırır.
AzerVoice xəbər verir ki, Musleranın ayrılmasından sonra sarı-qırmızılı klub yeni qapıçı axtarışına başlayıb.
Qalatasaray Real Madridin ukraynalı qapıçısı Andrey Lunin ilə maraqlanır və onu heyətə qatmaq üçün danışıqlar aparır.
26 yaşlı Lunin Real Madriddə qalmaq istəsə də, əsas qapıçı Tibo Kurtuaya görə ehtiyat oyunçu statusunda qalması səbəbindən meneceri daha çox oynaya biləcəyi klubların təkliflərini dəyərləndirir.
Sarı-qırmızılı klubun rəhbərliyi ilə Lunin-in meneceri arasında yaxın günlərdə İspaniyada görüş keçiriləcəyi gözlənilir. Ukraynalı qapıçının Real Madridlə müqaviləsi 2030-cu ilə qədər qüvvədədir. Onun transfer dəyəri hazırda 20 milyon avro təşkil edir.
Bu mövsüm La Liqada yeddi oyunda forma geyinən Lunin yeddi qol buraxıb, dörd oyunda isə qapısını toxunulmaz saxlayıb.
Digər tərəfdən, Qalatasarayın ehtiyat qapıçısı Günay Güvənçin də komandada qalacağı gözlənilir. Xüsusilə Türkiyə Kubokunda göstərdiyi çıxışı ilə diqqət çəkən Günay, klubun planlarında yer almaqda davam edir.
