BAKI, AzerVoice
"Real Madrid" Braziliya millisinin baş məşqçi postuna keçən Karlo Ançelotti ilə vidalaşıb.
AzerVoice xəbər verir ki, La Liqa nəhəngi "Real Madrid" italyan baş məşqçi Karlo Ançelotti ilə vidalaşıb.
Klubun saytında yer alan açıqlamada 65 yaşlı təcrübəli çalışdırıcıya xidmətlərinə görə təşəkkür edilib.
Mayın ortalarında Braziliya millisi ilə müqavilə imzalayan Karlo Ançelotti "Real Madrid"in baş məşqçisi kimi son matçını sabah "Real Sosyedad"a qarşı keçirəcək.
Açıqlamada Real Madridin prezidenti Florentino Peresin sözləri də yer alıb. "Karlo Ançelotti indi əbədi olaraq böyük Real Madrid ailəsinin bir hissəsidir. Bizə bu qədər uğur qazanmağımıza kömək edən və eyni zamanda klubumuzun dəyərlərini nümunəvi şəkildə təmsil edən bir məşqçi ilə işləməkdən qürur duyuruq" - deyə Perez qeyd edib.
Qeyd edək ki, “Real Madrid”də çalışdığı müddətdə ümumilikdə 15 kubok qazanan Karlo Ançelotti bu klubda ən çox qələbə qazanan məşqçidir.
