İsrail mətbuatı İsrail və ABŞ-nin Qəzza zolağında atəşkəs razılaşmasının ikinci mərhələsinə keçidlə bağlı razılıq əldə etdiyini iddia edib. Bildirilir ki, İsrailin Baş naziri Benyamin Netanyahu Qəzza ilə bağlı razılaşmanın ikinci mərhələsinə keçidi nəzərdə tutan ABŞ administrasiyası ilə əldə olunan razılaşmalardan sonra Tel-Əvivə qayıdıb.

İsrailin Qəzza zolağında və işğal olunmuş İordan çayının qərb sahilində fəaliyyət göstərən onlarla beynəlxalq humanitar təşkilatın fəaliyyətini qadağan etməsi beynəlxalq aləmdə genişmiqyaslı etiraz və qınaqla qarşılanıb. Qadağa qüvvəyə mindiyi gün – cümə axşamı İsraildə fəaliyyət göstərən 17 insan haqları və hüquq-müdafiə təşkilatı birgə bəyanat yayaraq bu addımın “prinsipial humanitar fəaliyyəti sarsıtdığını, yardım işçilərini və icmaları təhlükə altına saldığını, effektiv yardımın göstərilməsini iflic etdiyini” bildirib.

Somaliland İsrailin hərbi bazalarının öz ərazisində yerləşdirilməsi və Qəzzadan didərgin salınmış fələstinlilərin bölgəyə köçürülməsi ilə bağlı razılaşmanın əldə edilməsi barədə yayılan iddiaları rədd edib.Somaliland bu iddiaları əsassız adlandıraraq bildirib ki, İsraillə təmaslar yalnız diplomatik xarakter daşıyır və beynəlxalq hüquqa tam hörmət çərçivəsində aparılır.

Yaxın Şərq hazırda yeni regional böhranın astanasında kritik mərhələdən keçir. Mövcud vəziyyət İsrail–İran qarşıdurması, Tehranın regiondakı silahlı müttəfiqləri – “Hizbullah”, Qəzza zolağında “HƏMAS”, Yəməndə isə husilərin fəaliyyəti fonunda getdikcə daha mürəkkəb və təhlükəli xarakter alır. Analitiklər bildirirlər ki, regionun müxtəlif nöqtələrində inkişaf edən böhranlar artıq ayrı-ayrı proseslər deyil. İstənilən bir cəbhədə baş verən eskalasiya digər bölgələrdə zəncirvari reaksiyalara səbəb ola bilər ki, bu da çoxcəhətli və genişmiqyaslı münaqişə riskini artırır.

2025-ci ilin başa çatması fonunda dünyada baş verən siyasi, hərbi və iqtisadi proseslər qlobal nizamın ciddi şəkildə sarsıldığını göstərir. İlin sonuna yaxın sürətlənən diplomatik təşəbbüslər, münaqişə zonalarında yeni hərbi planlamalar və böyük güclərin açıq rəqabəti beynəlxalq münasibətlər sistemində dərin dəyişikliklərin başlanğıcına işarə edir.

İsrail ordusunun Baş Qərargah rəisi Eyal Zamir 2026-cı ili ölkənin təhlükəsizliyi baxımından “həlledici il” adlandıraraq, İsrailin Fələstinin “HƏMAS” hərəkatını tərksilah etmək niyyətində qətiyyətli olduğunu bəyan edib.

Birləşmiş Millətlər Təşkilatı (BMT) İsrailin fələstinli qaçqınlara yardım göstərən BMT agentliyinə qarşı son addımlarının milyonlarla insanın təhsil və səhiyyə kimi əsas xidmətlərdən məhrum qalması riski yaratdığı barədə xəbərdarlıq edib. İsrail parlamenti BMT-nin Fələstinli Qaçqınlara Yardım və İşlər üzrə Agentliyinin (UNRWA) diplomatik toxunulmazlığını ləğv edən və İsrail şirkətlərinə agentliyin obyektlərinə su və elektrik enerjisi verilməsini qadağan edən qanunvericiliyi qəbul edib.

ABŞ Prezidenti Donald Tramp Türkiyə qoşunlarının Qəzza zolağında yerləşdirilməsinə etiraz etməyəcəyini bildirib. O, bu mövqeyini İsrailin Baş naziri Benyamin Netanyahu ilə Florida ştatının Vest Palm Biç şəhəri yaxınlığında yerləşən Mar-a-Laqo malikanəsində keçirilən danışıqların əvvəlində jurnalistlərin suallarını cavablandırarkən açıqlayıb.

ABŞ prezidenti Donald Tramp bildirib ki, Suriya prezidenti Əhməd əl-Şəraa ilə İsrailin baş naziri Beniyamin Netanyahu arasında razılaşmanın əldə olunması üçün çalışacaq. Bununla yanaşı, Tramp HƏMAS-ı silahdan imtina etmədiyi təqdirdə ağır nəticələrlə, İranı isə nüvə proqramını bərpa etməyə cəhd göstərərsə yeni hücumlarla hədələyib.

Somali Prezidenti Həsən Şeyx Mahmud İsrailin Somaliland bölgəsini müstəqil subyekt kimi tanıması fonunda Türkiyəyə rəsmi səfər edəcək. Türkiyə Prezident Administrasiyasının Kommunikasiyalar İdarəsinin yaydığı məlumata görə, səfər çərçivəsində Ankarada yüksək səviyyəli görüşlərin keçirilməsi planlaşdırılır.

Fələstinin HƏMAS hərəkatı rəsmi açıqlama yayaraq, İzzəddin əl-Qəssam Briqadalarının sözçüsü kimi tanınan Əbu Ubeydənin həlak olduğunu bildirib. HƏMAS-ın silahlı qanadı olan İzzəddin əl-Qəssam Briqadalarının bəyanatında qeyd olunub ki, təşkilatın bir sıra yüksək rütbəli üzvləri döyüş əməliyyatları zamanı həyatını itirib. Açıqlamaya əsasən, həlak olanlar arasında Briqadaların Baş Qərargah rəisi Məhəmməd Sinvar, Rəfah Briqadasının komandiri Məhəmməd Şabənə, briqada komandirlərindən Hikmət əl-İssa, eləcə də istehsal və silahlanmaya cavabdeh bölmənin rəhbəri Şeyx Raid Səad da yer alır.

Yaxın Şərqdə illərdir davam edən qarşıdurmalar bir daha göstərir ki, sülh yalnız silahların susması ilə deyil, düşünülmüş diplomatiya, etimad və uzunmüddətli təhlükəsizlik mexanizmləri ilə mümkündür. Münaqişə ocaqlarında sabitliyin bərqərar olunması prosesində hər dövlətin rolu onun siyasi çəkisi, beynəlxalq etibarı və praktiki təcrübəsi ilə ölçülür. Məhz bu kontekstdə Azərbaycanın Qəzza ilə bağlı mümkün sülhyaratma təşəbbüsləri ətrafında aparılan müzakirələr təkcə regional deyil, qlobal miqyasda diqqət çəkən bir mövzuya çevrilib. Rəsmi Bakının ehtiyatlı, ölçülüb-biçilmiş və beynəlxalq hüquqa əsaslanan yanaşması isə bu məsələdə emosional deyil, rasional mövqenin üstün tutulduğunu göstərir. Bəs Azərbaycan ordusunun sülhməramlı qüvvələrinin Qəzzada olmasına mane olan nədir? Qəzza üçün alternativ sülhməramlı missiyası hansı dövlətə məxsusdur?

İsrailin baş naziri Benyamin Netanyahu bazar ertəsi ABŞ-nin Florida ştatında Donald Trampla görüşəcək. Görüş Vaşinqtonun kövrək Qəzza atəşkəsi planının növbəti mərhələsinə keçidi sürətləndirməyə çalışdığı bir vaxta təsadüf edir. Ağ Evdən bildirilib ki, tərəflər yerli vaxtla saat 13:00-da (GMT ilə 18:00) Trampın Mar-a-Laqo iqamətgahında bir araya gələcəklər. Məlumata görə, görüş Netanyahunun xahişi ilə təşkil olunub.

İsrailin Baş naziri Binyamin Netanyahu ABŞ-yə səfəri zamanı Qəzza zolağında əlavə hərbi əməliyyat üçün Vaşinqtondan dəstək istəyə bilər. Məlumata görə, Netanyahu ABŞ Prezidenti Donald Trampla danışıqlar aparmağı planlaşdırır. Bildirilir ki, o, sülh planının növbəti mərhələsinə razılıq verməzdən əvvəl ABŞ-nin mövqeyini təmin etməyə çalışacaq. Bu barədə “CNN” mənbələrə istinadən məlumat yayıb.

Qəzza zolağında İsrail tərəfindən 10 oktyabr 2025-ci il tarixində qüvvəyə minən atəşkəs rejiminin 969 dəfə pozulduğu bildirilir. Qəzza hakimiyyətinin məlumatına görə, pozuntular əsasən hava və artilleriya zərbələri, mülki şəxslərə və onların yaşayış yerlərinə atəş açılması ilə müşayiət olunub. Həmçinin İsrail hərbi texnikasının sektorun müxtəlif ərazilərinə daxil olması halları qeydə alınıb. Hadisələr nəticəsində 418 fələstinli həlak olub, 1140-dan çox insan yaralanıb.

Qahirədə Misir-Azərbaycan Dostluq Mərkəzində 31 Dekabr- Dünya Azərbaycanlılarının Həmrəyliyi Günü münasibətilə tədbir keçirilib. Tədbirdə Azərbaycanın Misirdəki səfiri Elxan Poluxov, Dostluq Cəmiyyətinin İdarə Heyətinin sədri, diaspor rəhbəri tədqiqatçı-alim Seymur Nəsirov, Qahirədə yaşayan soydaşlarımız, Misir-Azərbaycan Dostluq Cəmiyyətindəki kurslarda Azərbaycan dilini öyrənən bir qrup tələbələr iştirak ediblər.

İsrailin Somalidən birtərəfli qaydada ayrıldığını elan etmiş Somaliland bölgəsini tanıması regional və beynəlxalq səviyyədə geniş reaksiyalara yol açıb. Qərar xüsusilə Fələstin məsələsi ilə bağlı narahatlıqlar fonunda diqqət çəkib və bir sıra aktorlar tərəfindən mümkün geosiyasi nəticələr baxımından dəyərləndirilib.

İsrailin Baş naziri Benyamin Netanyahu bazar ertəsi ABŞ-də Prezident Donald Tramp ilə görüşəcək. İsrailli rəsminin AFP-yə verdiyi məlumata görə, görüş Florida ştatında baş tutacaq və regional təhlükəsizlik məsələləri ilə yanaşı Qəzza zolağında atəşkəs prosesinin növbəti mərhələləri müzakirə olunacaq. Bu səfər Netanyahunun cari il ərzində Tramp ilə ABŞ-də keçirəcəyi beşinci görüş olacaq. Səfər, ABŞ administrasiyası və regional vasitəçilərin İsrail ilə HƏMAS arasında Qəzza üzrə əldə olunmuş kövrək atəşkəs razılaşmasının ikinci mərhələsinə keçidi təşviq etdiyi bir vaxta təsadüf edir.

İtaliya polisi şənbə günü açıqlayıb ki, Fələstin qruplaşması HƏMAS üçün milyonlarla avro toplamaqla günahlandırılan yeddi nəfəri həbs edib. Polisin açıqlamasına görə, rəsmi olaraq Fələstin vətəndaşlarına dəstək göstərmək məqsədilə fəaliyyət göstərdiyi bildirilsə də, əslində HƏMAS-ın maliyyələşdirilməsi üçün vasitəçilik edən üç təşkilat istintaqa cəlb olunub.

Türkiyə Xarici İşlər Naziri Hakan Fidan, 22 Dekabr tarixinə qədər 2025-ci ildə 22-si Prezident Rəcəb Tayyib Ərdoğana yoldaşlıq etmək üzrə 50 ölkəyə ümumilikdə 73 xarici səfər gerçəkləşdirdi. Türkiyə Xarici İşlər Naziri Hakan Fidanın 2025-ci ildəki səfərləri və qatıldığı toplantılara dair məlumatlar paylaşıldı. Türkiyə Xarici İşlər Nazirliyi mənbələrinə görə, Nazir Fidan, 22 Dekabr tarixinə qədər bu il 22-si Prezident Ərdoğana yoldaşlıq etmək üzrə 50 fərqli ölkəyə 73 xarici səfər etdi. Nazir Fidan, həmçinin 10-u Ərdoğana yoldaşlıq etmək üzrə, xaricdə ümumilikdə 31 çox tərəfli toplantıya qatıldı.

İsrailin Somali Federativ Respublikasından birtərəfli qaydada ayrıldığını elan etmiş Somaliland regionunu müstəqil dövlət kimi tanımasından sonra Türkiyə regional və beynəlxalq diplomatik təşəbbüslərini aktivləşdirib.

Dünya Bankı 28 dövlətin razılaşdırdığı prinsiplərə uyğun olaraq yaradıldı.

Misir İsrailin baş naziri Benyamin Netanyahunu oktyabrın 10-da qüvvəyə minmiş Qəzza atəşkəsinin ikinci mərhələsinin icrasına mane olmağa çalışmaq və regionu yeni münaqişəyə sürükləməkdə ittiham edib. Misir Dövlət İnformasiya Xidmətinin rəhbəri Ziya Rəşvan bildirib ki, Netanyahunun məqsədi ABŞ-ın diqqətini İran, Suriya və Livan kimi digər regional məsələlərə yönəldərək atəşkəsi sabotaj etməkdir.

Almaniya Xarici İşlər Naziri Yohann Vadepul ölkəsinin Qəzza üçün nəzərdə tutulan Beynəlxalq Stabiliyət Qüvvəsi missiyasına qatılmayacağını bildirib. Almaniya Xəbər Agentliyi (DPA)-ya açıqlamasında Vadepul deyib ki, Almaniya bu missiyaya yaxın gələcəkdə qoşulmağı planlaşdırmır. "Hal-hazırda heç kimin beynəlxalq stabiliyət missiyasına qatılması gözlənilmir." - deyə Vadepul qeyd edib. Nazir qeyd edib ki, belə bir qüvvə konkret təhlükəsizlik təminatı verə biləcək halda lazımdır, lakin Alman hərbçilərinin bu bölgədə bunu edə biləcəyi inandırıcı görünmür.