Bakı, AzerVoice, Nailə Babazadə

Misir İsrailin baş naziri Benyamin Netanyahunu oktyabrın 10-da qüvvəyə minmiş Qəzza atəşkəsinin ikinci mərhələsinin icrasına mane olmağa çalışmaq və regionu yeni münaqişəyə sürükləməkdə ittiham edib.

AzerVoice xəbər verir ki, Misir Dövlət İnformasiya Xidmətinin rəhbəri Ziya Rəşvan bildirib ki, Netanyahunun məqsədi ABŞ-ın diqqətini İran, Suriya və Livan kimi digər regional məsələlərə yönəldərək atəşkəsi sabotaj etməkdir.

Rəşvan qeyd edib ki, Netanyahunun ikinci mərhələnin şərtlərini dəyişdirməyə cəhdləri, xüsusilə müqavimət qüvvələrinin tərksilah edilməsini tələb etməsi, razılaşmaya tərəf ölkələr tərəfindən qəbul edilməyəcək. O, həmçinin vurğulayıb ki, ABŞ-ın dəstəyi sayəsində ikinci mərhələ tamamilə dayandırıla bilməyəcək və heç kimin Qəzzadan zorla çıxarılmayacağı, könüllü ayrılanların isə geri dönmək hüququ olacaq.

Rəşvan həmçinin İsrailin fələstinliləri Qəzzadan çıxarmaq cəhdlərini uzun müddətdir təkrarlanan mövzu olduğunu və Trampın əvvəlki planlarının regionun reallıqlarını yetərincə nəzərə almadığını bildirib.