BAKI,AzerVoice, Fərid Mikayılov

İtaliya polisi şənbə günü açıqlayıb ki, Fələstin qruplaşması HƏMAS üçün milyonlarla avro toplamaqla günahlandırılan yeddi nəfəri həbs edib.

AzerVoice xəbər verir ki, ölkə xaricində olan iki nəfər üçün isə beynəlxalq həbs qərarları çıxarılıb.

Polisin açıqlamasına görə, rəsmi olaraq Fələstin vətəndaşlarına dəstək göstərmək məqsədilə fəaliyyət göstərdiyi bildirilsə də, əslində HƏMAS-ın maliyyələşdirilməsi üçün vasitəçilik edən üç təşkilat istintaqa cəlb olunub.

Həbs olunan doqquz şəxs, təxminən 7 milyon avronun ($8 milyon) "Qəzza, Fələstin əraziləri və ya İsraildə yerləşən, HƏMAS tərəfindən idarə olunan, nəzarət edilən və ya əlaqəli təşkilatlara" göndərildiyi ittihamı ilə üzləşib.

Polisin məlumatına görə, üç təşkilatın rəsmi məqsədi Fələstin xalqı üçün humanitar yardımlar toplamaq olsa da, yığılan vəsaitin 71 faizindən çoxu birbaşa HƏMAS və ya onun bağlı qurumlarına yönəldilib.

Açıqlamada qeyd edilib ki, pulların bir hissəsi “terror hücumlarında iştirak etmiş ailə üzvlərinə” çatdırılıb.

Həbs olunanlar arasında İtaliyadakı Fələstin Assosiasiyasının prezidenti Məhəmməd Hannun də var.