ABŞ-ın sabiq prezidenti Donald Tramp bəyan edib ki, Qəzza müharibəsi İsrailə zərər vurur və nəticədə Tel-Əviv bu müharibəni dayandırmaq məcburiyyətində qalacaq. O, bildirib ki, döyüşlərin davam etməsi səbəbindən İsrail Vaşinqtondakı siyasi dairələr üzərində əvvəlki təsirini və nüfuzunu itirib. Tramp bu fikirləri ABŞ-ın “Daily Caller” saytına verdiyi və bazar ertəsi yayımlanan müsahibəsində səsləndirib. “Onlar bu müharibəni bitirmək məcburiyyətində qalacaqlar və heç bir şübhə yoxdur ki, bu, İsrailə zərər verir. İsrail müharibəni qazana bilər, amma ictimaiyyətlə əlaqələr müstəvisində nüfuz qazanmır. Bu isə onun üçün mənfi nəticədir”-deyə o qeyd edib.

ABŞ Prezidenti Donald Tramp sosial şəbəkələrdə onun səhhəti ilə bağlı yayılan iddialara münasibət bildirib. O, həmçinin administrasiyasının həyata keçirdiyi siyasət nəticəsində Kolumbiya dairəsinin “cinayətdən azad zona”ya çevrildiyini bildirib.

ABŞ Daxili Təhlükəsizlik Naziri Kristi Noem CBS News-un “Face the Nation” proqramına verdiyi müsahibədə İmmiqrasiya və Gömrük Mühafizəsi (ICE) əməliyyatlarının genişləndirilməsi ilə bağlı açıqlamalar verib. Noem, xüsusilə Çikaqoda ICE-nin fəaliyyətlərinə daha çox resurs ayrılacağını bildirib. “Biz hazırda Çikaqo, İllinoys və digər ştatlarda ICE ilə əməliyyatlar həyata keçiririk və qanunların tətbiq olunmasını təmin edirik. Ancaq bu əməliyyatları daha da gücləndirmək üçün əlavə resurslar ayırmağı planlaşdırırıq.” - deyə o bildirib.

Məlumata görə, hərbi yerləşdirmə planı Avropa komandanlığı altında fəaliyyət göstərəcək on minlərlə hərbçinin, komanda və nəzarət sistemlərinin, müşahidə və kəşfiyyat elementlərinin cəlb olunmasını nəzərdə tutur. Bu razılaşma Tramp, Ukrayna prezidenti Vladimir Zelenski və Avropa liderləri arasında keçən ay keçirilən görüşdə əldə edilib. Bundan əlavə, məsələdən xəbərdar olan üç diplomata istinadən bildirilir ki, Almaniya kansleri Fridrix Merz, Böyük Britaniyanın baş naziri Key Starmer, NATO-nun baş katibi Mark Rutte və Ursula von der Leyen kimi Avropa liderləri Ukrayna məsələsini müzakirə etmək üçün Fransa prezidenti Emmanuel Makronun dəvəti ilə cümə axşamı Parisdə görüşəcəklər.

“The New York Times” qəzetinin dörd ABŞ rəsmisinə istinadən yaydığı məlumata görə, ABŞ rəhbərliyi Qəzzalılar və İordan çayının qərb sahilində yaşayan, həmçinin Fələstin diasporundan olan şəxslər üçün qeyri-immiqrasiya vizalarının verilməsini müvəqqəti olaraq dayandırıb. Bu qərar avqustun 18-də ABŞ Dövlət Departamentinin bütün səfirliklərə göndərdiyi memorandumda rəsmi şəkildə bildirilib. Qərar müalicə, universitet təhsili, işgüzar səfərlər və ya şəxsi ziyarətlər kimi məqsədlərlə ABŞ-a səyahət etmək istəyən Fələstin pasportu sahiblərinə şamil edilir.

İsrailin “Kanal 12” televiziyasının məlumatına görə, Tramp HƏMAS-ın tez bir zamanda məğlub edilməsini tələb edir və Netanyahunun “Qəzzanı işğal etmək və ya İsrailin şərtləri ilə HƏMAS-la razılaşma əldə etmək” strategiyasının arxasında bu təzyiq dayanır. Trampın, İsrailin HƏMAS-ı niyə sürətlə məğlub edə bilmədiyini anlaya bilmədiyi bildirilir. Trampın Yaxın Şərq üzrə xüsusi nümayəndəsi Stiv Vitkoffun Qəzza şəhərinin işğalının 2025-ci ilin dekabr ayına qədər tamamlanacağını müdafiə etdiyi qeyd olunub. Lakin İsrail hərbi rəsmiləri, Trampın Qəzzadan gələn görüntüləri görməsi halında İsrailə dəstəyini yenidən nəzərdən keçirə biləcəyini və müharibəni dayandıra biləcəyini düşünür. Hərbi rəsmilər, hətta Qəzza işğal olunsa belə, HƏMAS-ın təslim olacağı və ya İsrailin şərtlərini qəbul edəcəyi ehtimalını çox aşağı qiymətləndirir.

ABŞ prezidenti Donald Trampın oğlu Erik Tramp gələcəkdə prezident seçkilərinə namizəd ola biləcəyini istisna etməyib. O, bu barədə Yaponiyanın “Nikkei” qəzetinə müsahibəsində danışıb. “Nə ‘yox’ deyirəm, nə də ‘bəli’,” – deyə Erik Tramp bildirib. Qəzetin yazdığına görə, o, bu ehtimalı “heç vaxt istisna etmədiyini” vurğulasa da, biznes dünyasının ona daha yaxın olduğunu etiraf edib. Hazırda Erik Tramp kriptovalyuta sahəsində fəaliyyət göstərən "World Liberty Financial" şirkətinə rəhbərlik edir. Qeyd edək ki, ABŞ prezidenti Donald Tramp avqustun 5-də verdiyi açıqlamada “böyük ehtimalla” növbəti prezident seçkilərində iştirak etməyəcəyini bildirib. ABŞ Konstitusiyasına görə, eyni şəxs iki dəfədən artıq prezident seçilə bilməz. Buna baxmayaraq, Donald Tramp bir neçə dəfə bəzi şərtlər daxilində üçüncü dəfə də namizəd ola biləcəyini istisna etmədiyini söyləyib.

ABŞ prezidenti Donald Trampın administrasiyası Müdafiə Nazirliyinin (Pentaqon) adını dəyişərək onu “Müharibə Nazirliyi” adlandırmağı planlaşdırır. Hökumətin ən böyük qurumuna yenidən “Müharibə Nazirliyi” adının verilməsi üçün Konqresin qərarı lazım ola bilər. Bununla belə, Ağ Ev bu dəyişikliyi həyata keçirmək üçün alternativ yolları da araşdırır. Florida ştatından respublikaçı konqresmen Qreq Stiub illik müdafiə siyasəti qanun layihəsinə düzəliş təqdim edib. Bu dəyişiklik Pentaqonun adının dəyişdirilməsini nəzərdə tutur ki, bu da Konqresdə müəyyən respublikaçı dəstəyinin mövcudluğunu göstərir. Ağ Ev əlavə təfərrüat açıqlamayıb, amma Trampın ötən həftə ABŞ ordusunun hücum qabiliyyətlərinə diqqət çəkən bəyanatına istinad edib. Ağ Evin sözçüsü Anna Kelli bildirib: “Prezident Trampın da qeyd etdiyi kimi, ordumuz yalnız müdafiəyə deyil, hücuma da fokuslanmalıdır. Buna görə də o, Pentaqonda müxtəliflik, bərabərlik və inklüzivlikdən daha çox döyüşçülərə önəm verdi.”

Venesuela prezidenti müavini və neft naziri Delsi Rodriges ABŞ-ı ölkəsinin sahillərindən və ərazisindən uzaq durmağa çağırıb. “Öz problemlərinizi həll edin və sahillərimizdən, torpaqlarımızdan uzaq durun. Əgər ABŞ ölkəmizə hücum etməyə cəhd edərsə, Venesuela onların ən böyük kabusuna çevriləcək” – deyə Rodriges Vaşinqton rəhbərliyinə səslənib. O, ABŞ-ın Venesuelanın zəngin enerji ehtiyatlarına əl qoymaq niyyətində olduğunu iddia edərək əlavə edib: “Onlar anlamalıdırlar ki, ABŞ təbiəti istismar edən imperialist və ekspansionist bir dövlətdir. Digər ölkələrə öz müstəmləkəsi kimi baxır. Halbuki bu gün özü sosial, iqtisadi və siyasi böhran içindədir.”

Washington Times-ın məlumatına görə, Tramp əvvəlcə Nyu Cersi ştatının Bedminster şəhərində Əmək Günü tətilini keçirməyi planlaşdırsa da, bu planları ləğv edərək Ağ Evdə qalmağa qərar verib. Lakin sosial mediada sağlamlıqla bağlı fərziyyələr, xüsusilə əllərindəki qançırların səbəb olduğu narahatlıqlar diqqət çəkib. Prezidentin həkimi Sean Barbabella, bu qançırların tez-tez əl sıxma və aspirin istifadəsindən qaynaqlandığını, Trampın “əla ruhi və fiziki sağlamlığı” olduğunu bildirib. Ağ Evin mətbuat katibi Karoline Leavitt də Independent qəzetinə Trampın xroniki venoz çatışmazlıq (CVI) diaqnozu ilə yaşadığını təsdiqləyib. Vitse-prezident J.D. Vance isə USA Today-ə verdiyi müsahibədə Trampın səhhətinin yaxşı olduğunu, lakin “bir faciə” halında vəzifəni üstələnməyə hazır olduğunu qeyd edib.

Leavitt, “Prezident Tramp Kiyev hücumlarından narazıdır, lakin təəccüblənmir. Bunlar çox uzun müddətdir müharibə şəraitində olan iki ölkədir,” – deyə qeyd edib. O, Trampın hər iki tərəfi müharibəyə son qoymağa çağırdığını, Rusiyanın Kiyevə hücum etdiyini, Ukraynanın isə Rusiyanın neft emalı zavodlarını vurduğunu vurğulayıb. Leavitt əlavə edib ki, Tramp sülh üçün çalışsa da, müharibənin bitməsi üçün hər iki ölkənin liderlərinin də bunu istəməsi lazımdır.

Tramp, avqustun 11-də elan etdiyi “ictimai təhlükəsizlik fövqəladə vəziyyəti” çərçivəsində Vaşinqtonda avtomobil qaçırma hallarının 87 faiz azaldığını, eləcə də digər cinayət kateqoriyalarında əhəmiyyətli enişlər müşahidə olunduğunu bildirib. O, “Vaşinqton cəmi 14 gün ərzində planlaşdırılandan çox daha sürətli cinayətdən azad zona olacaq,” – deyə vurğulayıb. Qeyd edək ki, Tramp administrasiyası vəzifəyə gəldikdən sonra Vaşinqton D.C.-nin yerli hökumətlərini cinayət və evsizliklə mübarizədə uğursuzluqda ittiham edib. Paytaxtda cinayət nisbətlərinin artdığını iddia edən Tramp, şəhərin təhlükəsiz, təmiz və yaşana bilən bir məkana çevrilməsi üçün federal hökumətin idarəçiliyi ələ almasını müdafiə etmişdi. Bu məqsədlə, avqustun 11-də Tramp “Vaşinqtonda təhlükəsizliyin təmin edilməsi və küçələri evsizlərdən təmizləmək” kimi səbəblərlə Vaşinqtonun Metropolitan Polis İdarəsini federal nəzarətə götürüb və şəhərə təxminən 800 Milli Qvardiya əsgəri yerləşdirib.

ABŞ Prezidenti Donald Tramp administrasiyası Suriya ilə İsrail arasında təhlükəsizlik razılaşmasını təmin etmək üçün diplomatik səylərini gücləndirib. Razılaşmanın sentyabrın 25-də BMT Baş Assambleyasının kənarında elan olunması və ya imzalanması nəzərdə tutulur.

Almaniya kansleri Fridrix Merts Ukraynada sülhün mümkün qədər tez əldə olunmasını arzuladıqlarını, lakin bunun “hər hansı bir qiymətə” baş verməsinin qəbuledilməz olduğunu bildirib. Merts çıxışında əsas hədəfin Ukraynada silahların susması olduğunu vurğulayıb.

Avqustun 8-də Azərbaycan Prezidenti İlham Əliyev, ABŞ Prezidenti Donald Tramp və Ermənistan Baş naziri Nikol Paşinyanın iştirakı ilə Vaşinqtonda baş tutan görüş regionda sülh və sabitliyin qurulması baxımından mühüm əhəmiyyət daşıyır. Bu formatda keçirilən yüksək səviyyəli görüş Cənubi Qafqazda uzun müddət davam etmiş münaqişənin diplomatik yolla həlli istiqamətində yeni mərhələnin başlandığını göstərir.

“Washington Post”un məlumatına görə, ABŞ Müdafiə Nazirliyinin rəsmiləri Karib dənizi və Sakit okean sularında həyata keçiriləcək əməliyyat çərçivəsində gəmilərin yerləşdirildiyini bildiriblər. Hərbi gəmilər Mərkəzi və Cənubi Amerika ölkələri yaxınlığında fəaliyyət göstərəcək. Məlumata görə, bölgəyə üç esmines (USS Gravely, USS Jason Dunham, USS Sampson), iki desant dok gəmisi, bir amfibiya hücum gəmisi, bir sürətli döyüş gəmisi və bir sahil döyüş gəmisi (LCS) göndərilib. Rəsmilər esmineslərin Venesuela sahillərinə “çox yaxın” olmadığını xüsusi vurğulayıblar. Ekipaj heyətində narkotik əməliyyatlarına cavabdeh zabitlərin də yer aldığı bildirilir.

ABŞ rəsmiləri Qrenlandiya ilə bağlı yayılan məlumatlardan sonra Danimarkanın daxili işlərinə qarışmaq ittihamlarını rədd ediblər. Ağ Evin anonim rəsmisi CBS News-a açıqlamasında “Biz hesab edirik ki, danimarkalılar sakit olmalıdırlar” - deyə bildirib. ABŞ Dövlət Departamentinin sözçüsü isə amerikalı vətəndaşların Qrenlandiyadakı fəaliyyətlərinə dair şərh verməyəcəklərini, onların hərəkətlərinə nəzarət etmədiklərini qeyd edib. O, ABŞ-ın NATO-dakı müttəfiqi Danimarka ilə münasibətlərinə önəm verdiyini vurğulayaraq, Vaşinqtonun Danimarka xarici işlər naziri Lars Lokke Rasmussen ilə “məhsuldar görüş” keçirdiyini də əlavə edib.

Görüşdə Trampın Yaxın Şərq üzrə xüsusi nümayəndəsi Stiv Vitkoff, keçmiş müşaviri Cared Kuşner, Dövlət Katibi Marko Rubio və Britaniyanın keçmiş baş naziri Toni Bleyer iştirak edib. ABŞ mətbuatına istinadən, iclasda Qəzzanın humanitar böhrandan çıxışı və siyasi gələcəyi ilə bağlı çoxsaylı mövzular ətraflı şəkildə müzakirə olunub. X platformasında yayılan məlumatlar, görüşün Qəzzadakı vəziyyətin sabitləşdirilməsi və İsrailin təhlükəsizlik maraqlarının ön planda tutulduğunu göstərir.

Ukrayna prezidenti Zelenskinin sözlərinə görə, Rusiyanın Ukrayna paytaxtına hücumu nəticəsində biri uşaq olmaqla 8 nəfər həlak olub. Son məlumatlara əsasən isə ölənlərin sayı 10-a çatıb. Ukraynanın daxili işlər naziri İqor Klimenko da gecə yarısı kütləvi pilotsuz təyyarə və raket hücumu nəticəsində ikisi uşaq olmaqla azı 38 nəfərin yaralandığını bildirib.

ABŞ Prezidenti Donald Tramp, Macarıstanın Baş naziri Viktor Orbanı Ukraynanın Avropa İttifaqına (Aİ) üzvlüyünə dair mövqeyini dəyişməyə razı salıb. Politico nəşri bu barədə Avropa diplomatik dairələrindəki mənbələrə istinadən məlumat yayıb.

Müxbir: "Əl-Ərəbiyyə" kanalının hörmətli tamaşaçıları, Sizi Azərbaycan Respublikasının paytaxtından, gözəl Bakı şəhərindən salamlamaq istəyirik. Bu gün mən Azərbaycan Prezidenti İlham Əliyevdən xüsusi müsahibə götürəcəyəm. Əlbəttə, bu görüş ABŞ Prezidenti Donald Trampın dəstəyi ilə Ermənistan və Azərbaycan arasında imzalanmış razılaşmadan sonrakı dövrə təsadüf edir. Bu gün biz həmin tarixi günləri yaşayırıq və həmin məsələ haqqında söhbət açırıq. Eyni zamanda, Azərbaycanın Şərq ilə Qərb arasındakı rolu haqqında da danışacağıq. Həmçinin biz Azərbaycanın Cənubi Qafqazdakı rolunu Prezident İlham Əliyevlə müzakirə edəcəyik. Cənab Prezident, "Əl-Ərəbiyyə" kanalına xoş gəlmisiniz.

Tramp, təxminən 80 dəqiqəlik konfransda immiqrasiya və təhlükəsizlik siyasətlərinə görə tənqidlərə məruz qalıb. Milli Qvardiyanın Vaşinqton küçələrinə yerləşdirilməsini müdafiə edərək, “Məni respublikaya hücumda ittiham edirlər, halbuki təbrik etməlidirlər,” - deyə o bildirib. O, Müdafiə Nazirliyinin adını “Müharibə Departamenti” kimi dəyişdirmək planını açıqlayıb və bunun “qələbə tarixi” daşıdığını qeyd edib.

Venesuelanın xarici işlər naziri İvan Gil, Telegram-da ABŞ-ın USS Lake Erie raket kreyseri və USS Newport News nüvə sualtı qayığını Karibə göndərməyi planlaşdırdığını bildirib. Venesuelanın BMT-dəki nümayəndəliyi bu addımı “regional sülhə təhdid” kimi qiymətləndirib. Venesuela müdafiə naziri Vladimir Padrino Lopez, “Katatumbo İldırımı” əməliyyatı çərçivəsində Karib sularına daha böyük gəmilər və pilotsuz uçuş aparatları yerləşdirəcəklərini açıqlayıb. 15,000 əsgər Kolumbiya sərhədinə göndəriləcək. Lopez, Maracaibo gölü və Venesuela körfəzində dəniz patrulları və vətəndaş xidmət məntəqələri quracaqlarını bildirib.

ABŞ-ın Yaxın Şərq üzrə xüsusi nümayəndəsi Stiv Vitkoff, Ağ Evdə Qəzza ilə bağlı genişmiqyaslı toplantının keçiriləcəyini açıqlayıb. Vitkoff, iclasda Qəzzaya humanitar yardımın təşkili və münaqişədən sonrakı dövrün idarə edilməsi ilə bağlı mühüm qərarların qəbul ediləcəyini bildirib. Vitkoff, “Ümid edirik ki, ilin sonuna qədər Qəzza, İran və Ukrayna da daxil olmaqla bütün böhranları həll edəcəyik,” deyərək, bu həftə bir sıra görüşlərin planlaşdırıldığını qeyd edib. Lakin ABŞ administrasiyası Qəzzadakı humanitar böhrana və İsrailin hərbi əməliyyatlarına qarşı sərgilədiyi zəif reaksiya səbəbindən tənqid olunur.