BAKI, AzerVoice, Nərmin Ağayeva

ABŞ Prezidenti Donald Trampın çərşənbə axşamından bəri ictimaiyyət qarşısında görünməməsi sosial mediada ciddi maraq və fərziyyələrə səbəb olub. Səhhəti ilə bağlı iddialar artarkən, Ağ Ev rəsmi açıqlama verməyib.

AzerVoice xəbər verir ki, məlumata görə, Trampın avqustun 30 və 31-də heç bir ictimai tədbiri planlaşdırılmayıb. X platformasında istifadəçilər, “Tramp çərşənbə axşamından bəri yoxdur, nə baş verir?” kimi suallar qaldırıb. Prezidentin Truth Social platformasında aktiv olması isə onun fiziki yoxluğunu kompensasiya etməyib.

Washington Times-ın məlumatına görə, Tramp əvvəlcə Nyu Cersi ştatının Bedminster şəhərində Əmək Günü tətilini keçirməyi planlaşdırsa da, bu planları ləğv edərək Ağ Evdə qalmağa qərar verib. Lakin sosial mediada sağlamlıqla bağlı fərziyyələr, xüsusilə əllərindəki qançırların səbəb olduğu narahatlıqlar diqqət çəkib. Prezidentin həkimi Sean Barbabella, bu qançırların tez-tez əl sıxma və aspirin istifadəsindən qaynaqlandığını, Trampın “əla ruhi və fiziki sağlamlığı” olduğunu bildirib. Ağ Evin mətbuat katibi Karoline Leavitt də Independent qəzetinə Trampın xroniki venoz çatışmazlıq (CVI) diaqnozu ilə yaşadığını təsdiqləyib.

Vitse-prezident J.D. Vance isə USA Today-ə verdiyi müsahibədə Trampın səhhətinin yaxşı olduğunu, lakin “bir faciə” halında vəzifəni üstələnməyə hazır olduğunu qeyd edib.