BAKI,AzerVoice, Fərid Mikayılov
ABŞ Prezidenti Donald Tramp sosial şəbəkələrdə onun səhhəti ilə bağlı yayılan iddialara münasibət bildirib.
AzerVoice xəbər verir ki, Tramp bu barədə Truth Social platformasında paylaşım edərək, özünü hər zamankından daha yaxşı hiss etdiyini vurğulayıb.
“Heç vaxt həyatımda indiki qədər yaxşı hiss etməmişəm” – deyə Tramp bəyan edib.
O, həmçinin administrasiyasının həyata keçirdiyi siyasət nəticəsində Kolumbiya dairəsinin “cinayətdən azad zona”ya çevrildiyini bildirib.
30 avqustda sosial şəbəkələrdə Trampın dünyasını dəyişməsi ilə bağlı əsassız məlumatlar yayılıb. Bu iddialar, vitse-prezident Cey Di Vensin “əgər prezidentlə hər hansı bir şey baş versə, ölkəni idarə etməyə hazıram” sözlərindən sonra daha da gündəmə gəlib.
Ağ Ev şayiələri təkzib edərək, prezidentin sağlamlığında heç bir problemin olmadığını açıqlayıb. Rəsmi bəyanatda Trampın tam sağlam olduğu və yayılan iddiaların əsassız olduğu bildirilib.
