BAKI,AzerVoice, Fərid Mikayılov
Almaniya kansleri Fridrix Merts Ukraynada sülhün mümkün qədər tez əldə olunmasını arzuladıqlarını, lakin bunun “hər hansı bir qiymətə” baş verməsinin qəbuledilməz olduğunu bildirib.
AzerVoice xəbər verir ki, Merts çıxışında əsas hədəfin Ukraynada silahların susması olduğunu vurğulayıb.
Kansler əlavə edib ki, Kiyev sülhün şərtlərini yalnız özü müəyyənləşdirməlidir.
“Ukrayna öz sülh şərtlərini müstəqil şəkildə ortaya qoymalıdır”- deyə o bildirib.
Qeyd edək ki, bundan əvvəl The Atlantic jurnalı ABŞ prezidenti Donald Trampın həm Ukrayna prezidenti Volodimir Zelenskiyə, həm də Avropaya qarşı narazı olduğunu yazmışdı. Nəşrin məlumatına görə, Tramp Ukraynanın və Avropanın irəli sürdüyü sülh şərtlərini “reallıqdan uzaq” sayır və münaqişənin bitməsi üçün Kiyevin müəyyən əraziləri itirməsinin qaçılmaz olduğunu düşünür.
