BAKI, AzerVoice

Qətər Xarici İşlər Nazirliyinin sözçüsü Məcid əl-Ənsari, İsrail Baş naziri Binyamin Netanyahununn ofisinin "Qətərin ikiüzlülüyü və ikili oyun oynaması"na dair açıqlamasına sərt cavab verib.

AzerVoice xəbər verir ki, Ənsari Netanyahunun bu açıqlamasını “təxrikedici, siyasi və mənəvi məsuliyyətdən uzaq” kimi xarakterizə edib.

O vurğulayıb ki, 2023-sü ilin oktyabrından bəri İsrailin Qəzzadakı soyqırımı davam edərkən, Qətər bu müddət ərzində müharibəni dayandırmaq, mülki şəxsləri qorumaq və əsirlərin azad edilməsini təmin etmək məqsədilə vasitəçilik səylərinə dəstək verməyə çalışıb.

Ənsari Qətərin prinsiplərə əsaslanan xarici siyasətinin səmimi və etibarlı vasitəçi roluna zidd olmadığını qeyd edib və sual verib: “138 israilli əsir hərbi əməliyyatla, yoxsa bu gün haqsız şəkildə tənqid edilən vasitəçilik səyləri sayəsindəmi azad edilib?”

O əlavə edib ki, Qəzzadakiı fələstinlilər son zamanların ən ağır fəlakətlərindən birini yaşayırlar.

"Əgər söhbət “mədəniyyətdən” gedirsə, o zaman bu mədəniyyət Qəzza xalqını mühasirəyə almaq, onları dərman və sığınacaqdan məhrum etmək və humanitar yardımı siyasi təzyiq və şantaj alətinə çevirməkləmi tanınır?” – deyə o sual verib.

Qeyd edək ki, İsrail Baş nazirinin ofisinin etdiyi paylaşımda Netanyahu, 2023-cü il 7 oktyabr tarixindən bəri İsrailin mədəniyyətlə barbarlıq arasında bir Qurtuluş Müharibəsi apardığını iddia edib və Qətərin artıq "hər iki tərəflə oynamaqdan imtina edib, mədəniyyət tərəfdə, yoxsa HƏMAS barbarlığının tərəfində olduğuna qərar verməsinin vaxtının çatdığını” bildirib.