BAKI, AzerVoice, Nailə Babazadə
Vatikan Dövlət Başçısı Papa 14. Leo ilə Ukrayna Prezidenti Volodimir Zelenski İtaliyanın Roma şəhərində görüşüb. Görüş zamanı Rusiyanın Ukraynaya qarşı apardığı müharibə və diplomatik təşəbbüslərin davam etdirilməsi müzakirə olunub.
AzerVoice xəbər verir ki, Vatikan Mətbuat Ofisinin açıqlamasında bildirilib ki, Papa Ukraynadakı münaqişəyə dair səmimi söhbətdə dialoqun davam etdirilməsinin vacib olduğunu və bu səylərin ədalətli və davamlı sülhə yol aça biləcəyi ümidini ifadə edib.
Həmçinin görüş zamanı müharibə əsirlərinin vəziyyəti və Ukraynalı uşaqların ailələrinə qaytarılmasının önəmi də müzakirə edilib.
Görüş yarım saat davam edib və tərəflər daha sonra konutun balkonundan mətbuat nümayəndələrini salamlayıblar.
Qeyd edək ki, iki lider daha əvvəl iyul ayında eyni yerdə görüşmüşdü. Bu gün Zelenski Romada İtaliya Baş naziri Giorgia Meloni ilə də görüşəcək.