BAKI, AzerVoice
Ukrayna prezidenti Volodimir Zelenski Kandanın keçmiş XİN rəhbəri Kristiya Frilandı özünün ştatdankənar müşaviri təyin edib.
AzerVoice xarici KİV-ə istinadən xəbər verir ki, bu barədə dövlət başçısının saytında müvafiq sənədin mətni dərc olunub.
“Kristiya Friland Ukrayna Prezidentinin iqtisadi inkişaf məsələləri üzrə ştatdankənar müşaviri təyin edilsin”,- sənəddə bildirilir.
Qeyd edək ki, Friland 2017–2019-cu illərdə Kanadanın xarici işlər naziri vəzifəsini tutub, 2019-2024-cü illərdə Kanadanın baş nazirinin müavini olub. Onun 2024-cü ilin dekabrında maliyyə naziri vəzifəsindən qəfil istefası hökümətdaxili çəkişmələrə yol açıb və nəticədə Kanadanın keçmiş baş naziri Castin Tryudo istefa verdiyini elan edib.
Friland sərt anti-Rusiya mövqeyi ilə tanınır.
