BAKI, AzerVoice, Nailə Babazadə

İran Atom Enerjisi Təşkilatının rəhbəri Məhəmməd İslami ABŞ və onun müttəfiqlərini İranın elmi nailiyyətlərinə qarşı gərginliyi artırmaqda ittiham edib.

AzerVoice xəbər verir ki, Yəmənin “Əl-Məsirə” televiziyasına müsahibəsində İslami, İranın dinc nüvə obyektlərinə edilən hücumların ölkənin elmi potensialına qarşı görünməmiş təcavüz olduğunu bildirib. Onun sözlərinə görə, bu hücumların vaxtı və xarakteri qarşıdurmanın yeni və təhlükəli mərhələyə adladığını göstərir.

İslami İranın hüquqlarından geri çəkilməyəcəyini vurğulayaraq qeyd edib ki, “Tehran heç vaxt öz hüquqlarından güzəştə getməyəcək və heç kimə iradəsini diktə etməyə icazə verməyəcək.”

İranın hüquqi və beynəlxalq məsələlər üzrə xarici işlər nazirinin müavini Kazım Qəribabadi də eyni kanala açıqlamasında ABŞ-ın son təcavüzlərə görə məsuliyyət daşımalı olduğunu, Vaşinqtonun nəticələrə tam cavabdeh olacağını bildirib.

Qəribabadi İranın yeni çəkindirici tədbirlər hazırladığını açıqlayaraq ölkənin elmi inkişafını davam etdirməkdə qərarlı olduğunu qeyd edib. O, ABŞ sanksiyalarını “effektsiz” adlandıraraq İran xalqının təzyiqlərə yaradıcılıq və dözümlülüklə uyğunlaşdığını deyib.

Rəsmi əlavə edib ki, İran elmi nailiyyətlərini hədəfləyən hər hansı ədalətsiz addıma sərt cavab verəcək və bunun üçün Beynəlxalq Atom Enerjisi Agentliyi (MAQATE) ilə münasibətlərə fundamental yenidən baxa biləcəyini istisna etmir.

Bazar günü İranın xarici işlər naziri Abbas Əraqçi də bildirib ki, İsrail rejimi və ABŞ-ın bu qarşıdurmada hədəfləri uğursuz olub: “Əgər onların məqsədi İranın nüvə proqramını məhv etmək idisə, buna nail ola bilmədilər.”