BAKI, AzerVoice, Fərid Mikayılov

İsrail ordusu, Qəzza zolağına tətbiq olunan qanunsuz blokadanı yarmaq və humanitar yardım çatdırmaq məqsədilə yola çıxan Əzm Donanmasına məxsus gəmilərə beynəlxalq sularda hücum edib.

AzerVoice xəbər verir ki, donanmanın canlı yayımlarında, İsrail ordusunun “durulmadığı təqdirdə müdaxilə ediləcəyi” barədə xəbərdarlıqlar eşidilib.

Canlı bağlantılarda, İsrail gəmilərinin donanmadakı gəmiləri mühasirəyə aldığı, iştirakçıların isə telefonlarını dənizə atdığı kadrlar yer alıb.

“Gəmilərimiz qanunsuz mühasirə altındadır. Kameralar deaktiv edildi və əsgərlər gəmilərə çıxdı. Gəmi ilə əlaqəmiz kəsildi” - deyə mətbuat qrupundan açıqlama verilib.

Açıqlamada, İsrail donanmasının hücumu Qəzzadan təxminən 120 dəniz mili (220 km) uzaqlıqda, beynəlxalq sularda həyata keçirdiyi vurğulanıb.

Donanmadan yayımlanan son görüntülərdə, İsrail ordusuna məxsus bir helikopterin “Vicdan” gəmisi üzərində uçduğu müşahidə edilib.

Açıqlamada bildirilib ki, “Vicdan” gəmisi üzərində hazırda hücum davam edir və gəmidə 93 jurnalist, həkim və aktivist var.

Gəminin 110 min dollar dəyərində tibbi ləvazimat, tənəffüs cihazı və qida məhsulları daşıdığı, bu yardımların Qəzzadakı xəstəxanalara çatdırılmasının planlaşdırıldığı qeyd olunub.

İsrailin “Kanal 12” telekanalı, donanmanın doqquz gəmini ələ keçirdiyini, təxminən 150 nəfəri saxladığını və gəmilərin Aşdod Limanına yönləndirildiyini bildirib.

İsrail Xarici İşlər Nazirliyi isə sosial mediada yaydığı açıqlamada, gəmilərin və sərnişinlərin İsraildəki limana köçürüldüyünü, bütün sərnişinlərin təhlükəsiz və sağlam vəziyyətdə olduğunu, yaxın zamanda ölkədən deportasiya ediləcəklərini açıqlayıb.