BAKI, Azervoice, Nərmin Ağayeva
ABŞ-da etirazçılar İsrailin Qəzzaya hücumları ilə bağlı xəbərlərdə medianın qərəzli və passiv dilindən narazılıqlarını bildiriblər.
Azervoice xəbər verir ki, Vaşinqtonda fələstinliyə dəstək nümayişçiləri NBC, Fox News, MSNBC və The Hill kimi media qurumlarının ofislərinin yerləşdiyi küçədə aksiya keçiriblər. Etirazçılar “Medianın soyqırımda şərikliyini dayandırın” və “Media yalan danışır, Qəzza ölür” yazılı plakatlarla ABŞ mediasının Qəzzaya hücumlara yanaşmasını tənqid ediblər.
Nümayişin təşkilatçısı Hazami Barmada bildirib ki, 22 aydır Qəzza amansız hücumlara məruz qalır, çoxu uşaq olmaqla on minlərlə insan həlak olub, lakin ABŞ mediası bu mövzuda susqun və ya passiv mövqe tutur.
Qeyd edək ki, ABŞ-da bir sıra media orqanlarının İsrail-Fələstin münaqişəsinə yanaşması uzun müddətdir müxtəlif qruplar tərəfindən tənqid olunur.